Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Rajatonta ja ihmisläheistä raatiota meänkielelä. / Gränslös och vardagsnära radio på meänkieli.

MILJÖKAMPEN 10 hyvää tipsiä kuinka sie saatat autta meän luontoa ja samala ittekii tienata pikku lanttin

Julkaistu torsdag 10 maj 2007 kl 17.26

Lestadiuskoulun oppilhaat Pajalassa on tekemässä specialarbeteä miljön puolesta ja on kans möytä kilpailussa minkä nimi on Miljökampen. Sen kautta yritethään levittä tietoa ja antaa tipsiä ihmisille kuinka met saattsima säästä meän miljötä.

Opilhaat on lähätänhee meile listan missä on kymmenen eri tipsiä miljön sästämisen puolesta ja ne halvava ette met levitämä net raation kautta.

No mikäs sinä, me olema luononystäviä mekkii.
Tässä tuleva tipsit:

  1. Pankaa lämmön vähemäle kotona...joka kraati merkitte ei sie säästät 9 prossenttia energikäyttöstä.
  2. Pesi pyykin neljässäkymmenessä asthessa, kyllä se tulle puhtaksi.
  3. Älä aukase frysin ja kylin ovia ilmanaikhaan, jos aukaset niin pane ne hoppua kini.
  4. Älä pane lämmintä ruokaa kylhiin eli fryshiin anna sen jähtyä ennen.
  5. Sulatta pois jäät frysista neljä kertaa vuoessa.
  6. Juo kranavettä sen sihaan ko pulloista.
  7. Jos sulla on tiskikone niin täyttä se aivan täynä ennen ko sie painat knapphiin ja tiskat, jos tiskat käsin niin älä anna veen valota koko aijan.
  8. Pane kaikki konheet kotona kini ko niitä ei käytettä..ei se riitä ette jättä ne ”stand by”
  9. Älkää pankoo mithään elemäntin etheen, jos ne on pilossa soffan eli kartinitten takana niin lämö ei leviä huonhessa yhtä hyvin.
  10. Syttytää vain lampuja sielä missä niitä tartte ja samutta varsin ko jätät huonheen.

Sinä kymmenen hyvää tipsiä kuinka sie saatat autta meän luontoa ja samala ittekii tienata pikku lanttin. Se oli Lestadiuskoulun luokka NV2 joka antoo neuvot.

Journalismimme perustana on uskottavuus ja puolueettomuus. Sveriges Radio on riippumaton poliittisista, uskonnollisista, taloudellisista, julkisista ja yksityisistä intresseistä.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".