Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Rajatonta ja ihmisläheistä raatiota meänkielelä. / Gränslös och vardagsnära radio på meänkieli.

Kukas Inga-Britt oon?

Julkaistu fredag 6 mars 2009 kl 10.33

Mie olen syntysin Aapuan kylästä.
Jälkhiin kouluitten mie siiryin 1970-luvula Pajahlaan ja olen täälä ollu Pajala Kunnale töissä sen jälkhiin, ensinä esikoulun-opettajanna, nyt taite- ja meänkielen-opettajanna.
Mie olen kouluttannu itteni opettajaksi ja lukenu lissää esimerkiksi taitealale, histuuriata, Tornionlaakson kulttuurista ja histuuriasta, jonku verran uskontoa ja jeografiita, ja kieliä niinku suomenkieltä, meänkieltä ja ryssänkieltä.

Mie luen paljon ja kirjotan paljon ittekki, enniimiten meänkieleä, niin runoja, satuja ko juttuja. Kyyttikirja ja Poron päiväkirja oon kaksi minun kirjoista ja nyt oon Leipäkirja tuloossa.
Mie maalan melkein joka päivä, tehen jonku verran käänöstöitä ja olen hullun aamuvarhainen.

Mitäs muuta?

Joo, mie liikun paljon ja mulla oon kova tarve olla ulkona luonossa, olletikki mettässä joka oon yksi voimavarapaikka mulle. Mie pellaan amatööriteaatteria minun kaverin ”Vuonon-Hildan” kansa ja olen silloin Römppä-Signe, yksi vanhaa visu vaimo Torniolaaksosta joka ei tykkää uuenaikhaisita touhuista.

Inga-Britt Uusitalon voimavarapaikka Aapuassa.

Journalismimme perustana on uskottavuus ja puolueettomuus. Sveriges Radio on riippumaton poliittisista, uskonnollisista, taloudellisista, julkisista ja yksityisistä intresseistä.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".