Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Rajatonta ja ihmisläheistä raatiota meänkielelä. / Gränslös och vardagsnära radio på meänkieli.

ANTONIN MAAILMA

Julkaistu onsdag 22 juli 2009 kl 15.30

Anton Raukola on tehny Meän raatiolle sarjan kesäksi misssä hän tarjoa meät vierailmhaan hänen mailma.

Kuuntele keskiviikkoisin Päivän tiimasta, sunnuntaisin Meän pyhässä tai kotisivulta, silloin kun sinulle sopii!


ENSIMMÄINEN OSA

Ensimäisessä osassa on kysymys omasta identtitettistä, saattakos sitä olla lulajalainen ja torniolaaksolainen yhtä aikaa


TOINEN OSA

On se sitten skööni saunoa! Toisessa osassa siittää ette missä on saunaraja, ja miten sauna lämmitetään. Luftfuktighet ja saunan lämpöasteet pitää olla samat.
 Saunavieraana  musiikko ja artisti Niva eli  Henrik Rytiniemi, joka on tullut  tekemään musiikkia Jänkikseen jossa voi kuulla omat ajatuksensa:


KOLMAS OSA

On en kläpit mukavat, mutta on ne joskus vähän rasittavat. Kaikista raskinta on kun ne on pikku kläpit - sitä ei saa nukkua! Yhtä viskata sängyt kartanolle, jos on kläpillä koliikki.  Kläpissä töitä riittä mutta silti ne on parasta maailmassa. 
Kolmannessa osassa  elämästä pikkukläppin kansa:


NELJÄS OSA

On se synti että meän kesä on niin lyhy, sanoo Anton. Anton kerää fiinejä kesämuistoja talven ja vanhuuuen varalle! Mikä se on sinun fiinein kesämuisto?


VIIDES OSA

Anton skraaputtaa lottia mutta ei tullut taaskaa mittää. Mitä sie tekisit jos voittaisit kunnon vinstin - paljon rahaa? Anton kävi kyselemässä kylältä rahasta ja rikkauesta.


KUUDES OSA

Mitäs tehä kun rahat alkaa olla loppu. Katupaneeli antaa vihjeitä: miten vietetään halpa semesteri? Tapetaan sääskiä....


SEITSEMÄS  OSA

Tällä kertaa mikrofoni on Tuomas Maasalla, joka oli mukana sotaoopperassa.


KAHDEKSAS OSA

Sotaoopperassa oli mukana haaparantalainen frisööri Sohrab, joka näytteli ja auttoi meikkauksessa. Hänellä on myös oma pikku bändi. Antoni kyssyy Sohrabilta, jos työssä saapi selittää juoruja ja kunka paljon psykoloogi sitä pittää olla


YHDEKSÄS OSA

Anton on töissä skådespelarina ja hän haluaa nostaa framille ne teatterin tekijät jotka on scenin takana. Hän jututtaa Luulajan kaupunginteatterin produsenttiä eli tuottajaa Maja Melaa.


KYMMENES JA VIIMEINEN OSA

Anton käyny hiipimässä kulissitten takana Luulajan kaupunginteatterissa ja kysymässä mitä Mika Erosella on sanomista teknikerin työstä teatterissa. Mika tekee ääniä ja valoja.


Journalismimme perustana on uskottavuus ja puolueettomuus. Sveriges Radio on riippumaton poliittisista, uskonnollisista, taloudellisista, julkisista ja yksityisistä intresseistä.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".