Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Rajatonta ja ihmisläheistä raatiota meänkielelä. / Gränslös och vardagsnära radio på meänkieli.

Ruottissa tunteman suurmies Pellosta TIMO K MUKKA

Julkaistu lördag 13 mars 2010 kl 23.29
1 av 6
2 av 6
3 av 6
4 av 6
5 av 6
Maa on syntinen laulu on yksi Suomen kansainvälisesti tunnetuimmista elokuvista.
6 av 6
Tuulan tekemä muistolaatta kirjaston seinässä.

Vuosi oli 1965 ko tuntematon 19 vuotta nuoren Pellon Orajärven kylän pojan romaani nimelthään Maa on syntinen laulu ilmesty. Kirja käänethiin sitten Ruottiksi, Jorden är en syndfull sång. 70-luvula siittä tuli filmi.

Kirjasta tuli kuuluisa koko Suomessa. Pellossa sitä ei kyllä ensin ees ostettu piplioteekhiin, kirjasthoon. Uskovaiset tuomittit sen kansa.

Ruottin puolela Timo K Mukka on harvale vieläki tuttu, vaikka tämä Suomen Pellon Orajärvessä syntyny mies on nykyhään yks Suomen tunnetuimista kirjailioista.

Bertil Isakson on tavannut Timon lesken Tuulan, pellolaisia ja tutkijoita, jotka tuntevat Timo K:n.





Tuula on eläny Timon muistoitten kesken nyt 35 vuotta

Timo tuli kirjottamhaan usseita kirjaa, paljon lehtiartikkelia, teatterimaanyksiä ja maalasi sen lisäksi. Monen miehleen kuitekki jäi hänen ensimäinen kirja.

Lesken Tuula Mukan tykönä Rovaniemessä kaivama näköselle Timon kirjotuskonheela kirjottaman maanyksen. Maanykset, preivit, taulut, kirjat, arvostelulja on karttunu. Niile tarttisit paikan missä olla. Ja nyt näyttää siltä ette Pello jääpii näitä ilman. Pellossa ei koskhaan annettu Timole tunnustusta. Tuula meinaa ette heät hääethiin, pakotethiin poies.

Koko haastattelu:



Komitea halusi  Pellossa laittaa paikan Timo K Mukale niin ku on Eero Mäntyrannala Suomen Pellossa, mistä Mukan perhe kerran hääethiin. Eero Ylitalo ollu vetämässä komiteaa. 
Mutta tähän ei Tuula Mukka aijo mennä myötä.

Mukan perhe jätti Pellon vuona 71 ja siirty Rovaniehmeen. Kaks lasta oli matkassa. Vajat kaks vuotta jälkhiin hän kuoli sairalhaan syänkohtaukseen.

Sitä ennen Mukka oli julkinen henkilö jostako kirjotethiin ja sanothiin sitä ja tätä,  hänen alkohoolinkäytöstä, vaimosuhteista, köyhyyestä.

Ei Pellossa silloon ko Mukka eli, nähty kirjailiaa eikä ymmäretty ette häntä vielä 35 vuotta jälkhiin kuolemaa luethaan ja hänen kirjoista painethaan uusia painoksia.

Mikä Mukassa viekottelee?

Bengt Pohjanen löysi sattumalta Pellon kirjakaupasta Timo K:n kirjan Maa on syntinen laulu. Kiintymys alko siitä ja kestää yhä.

Sormeni paloit ja Timo K. Mukka, kranninkylän poika, jota mie en tietääkseni koskhaan ollu kohanu, astu minun elähmään niin voimakhaasti ja väkevästi, ette hään vielä tänäki päivänä käypii unissa, jonku kerran joka vuosi.

Lue Bengt Pohjasen essee:

 (på svenska)

Kirjaa on meän suomea ossaavallaki melko helppo lukea, koska dialoogi on meän suomela - jos sen orginaalikielelä halvaa lukea.


Timon kirjat:

1964 Maa on syntinen laulu
1965 Tabu
1965 Täältä jostakin
1966 Laulu Sipirjan lapsista
1966 Punaista. Runoja
1968 Ja kesän heinä kuolee
1970 Lumen pelko
1970 Kyyhky ja unikko

Journalismimme perustana on uskottavuus ja puolueettomuus. Sveriges Radio on riippumaton poliittisista, uskonnollisista, taloudellisista, julkisista ja yksityisistä intresseistä.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".