Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Rajatonta ja ihmisläheistä raatiota meänkielelä. / Gränslös och vardagsnära radio på meänkieli.

Eppäilee ette tehetethään polkuhinnala

Publicerat torsdag 16 augusti 2012 kl 14.54
Fakki ja rymäniäläiset
(4:45 min)
Andre Lindström ja Kristoffer Englund SKOGS-fakista puhuttelevat rymääniäläisiä mettätyömiehiä, joista englantia ossaa Nazarie Silviu-lonel

Mettä- ja puualan fakki (ammattiliitto), entinen Skogs,  eppäilee ette ulkomaalaisia käytethään hyväksi meän mettissä juuri nyt. Eppäilhään ette miehet ei saa niitä palkkoja ja villkooria mitä pitäs saa kolektivavtaalitten (työehtosopumusten) mukhaan.

GS-fakin Andre Lindströmin ja Kristoffer Englundin mukhaan Norr- ja Västerbottenissa on 1 500 väliakikhaista ulkomaalaista mettätyömiestä.

Pajalan ulkopuolela, Hörntorpin tiehaarassa, Meänraatio oli matkassa ko Skogs puhutteli viittä rymäniäläistä miestä. Monet asiat avtaalissa, niin palkoista ko muista villkoorista, oli aivan tuntemattomia. Mutta liiton jäseneksi ei haluttu liittyä.

Miehet kerroit Meänraatiolle ette nämät työt tuovat hyvin tärkeän tulon. Olletikki nyt ko Rymääniässä on ekonoominen kriisi. Minimipalkka on alle 3000 kruunua kuukauessa. Täälä heile on luvattu 17.000 kruunua.

bertil.isaksson@sr.se 

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".