Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Rajatonta ja ihmisläheistä raatiota meänkielelä. / Gränslös och vardagsnära radio på meänkieli.
Kiveliön kokit 2016-05-19

Henry Huuva lagar renfilé med mandelpotatis i Svanstein / Henry Huuva laittaa poronfilettä puikkopotuitten kans Svansteinissä

Publicerat måndag 23 maj 2016 kl 10.49
Henry Huuva laittaa poronfileetä
(8:49 min)
Renfileplanka
1 av 4
Renfileplanka. Foto: Lisa Wanhainen
Huuva steker
2 av 4
Huuva steker. Foto: Lisa Wanhainen
Tre provsmakare
3 av 4
Tre provsmakare. Foto: Lisa Wanhainen
Henry Huuva
4 av 4
Henry Huuva. Foto: Lisa Wanhainen

Kokki Henry Huuva Liehittäjästä, pienestä kylästä Övertorneån ja Överkalixin välistä jossa on 12 asukasta. (Lisehittäjä tarkottaa viettelevvää vanhala suomenkielelä).

Henry on monipuolinen ilopilleri joka varhmaan ossaa tehä naulastaki keittoa. Hän on kokkeilu vähäs mitäki. Tietekki rakastaa laittaa ruokaa mutta ossaa kans nikkaroia, tehä taidetta ja tanssiakki.

lisa.wanhainen@sverigesradio.se


Henry tietää miten käyttää hyväksi kaikki sen mitä luonto tarjoaa. Henryn esi-isä Per Nilsson Huuva muutti perhheensä kans Rensjönistä (Kirunasta) Liehittähjään 1800-luvula harjottamhaan poronhoitoa.

-”Kotona sai oppia käyttähmään kaikkia sitä mitä luonto tarjoaa ja käyttähmään kaikki osat porosta, sisäelimistä sorkhiin asti. Yksinkertasuus on useasti sitä parasta!”, sannoo Henry.

-”Puhtaat raaka-aihneet joita meilä on lähiympäristössä niinko potut, vihanekset, marjat, sienet, riista ja kala on kullanarvoset ruanlaitossa. Näitä raaka-aihneita arvostethaan muualaki ko ette vain täälä Tornionlaaksossa. Mie näen useasti ratkasuja siinä missä toiset näkkee ongelmia. Mie olen ollu ammattikoulun opettaja yli 20 vuotta ja mie pyöritän ommaa puusepänverstasta ja harjotan turismia”, tuumaa Henry. 

Neuloa, maalata, tanssia ja laittaa ruokaa, siittä Henry tykkää. Henry tuntee ylpeyttä siittä ette on täältä kotosin ja on kiitolinen kaikista positiivisestä palhautheesta mitä hän on saanu kokea sen jälkheen ko oli matkassa tv-ohjelmassa Bastubaletten.

-”Ihmiset sanovat ette het halvaavat tulla takasi tänne Tornionlaaksoon koska het tykkäävät niin meistä ihmisistä ko ette ruoasta, jos joku niin se on hyvä petyyki Tornionlaaksole”, sannoo Henry.

Viimi kesänä Luppionvaarala kävi nuin 16 000 ihmistä, kaukaa ja läheltä.

Tornionlaaksola, sen kulttuurilla, paikoila ja ihmisillä on viehätysvoimaa.

 ”Pittää tehä semmosia asioita joita ei vielä ole tehny. Silloin sitä oppii enniiten. Pitää haastaa ittensä”, sannoo Henry.


Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".