Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nasvalimos

Bari dar ande ljuma pala e nevi influensa e balengi influensa.

Publicerat tisdag 28 april 2009 kl 12.26
Manush ando Mexico sharaven penge muja

Lujine kide pe but thema ande lumaki organizacia Who thaj vazde opre e gradi pe pandemiaki skala pe skala 4 anda shov.
Marcine vorbisardas pale o WHO kam pale te vazdel opre e skala po 5. Kado sikavel ke e influensa naklas ande duj thema.

Ando shvedo sas 5 dzene ande bolnicia te dikhen vaj von perdzile ande kadi influensa , thaj sikadzilas ke nas len kadi balengi influensa.

Maj but testura avna kerde marcine pe maj but provi. Kade phenel e sherutni po smittskyddsinstitutet e Maria Bryttning.
”But kliniki mangen te keras maj but testura anda lenge testura thaj kado kerasam adjes vaj tehara sar khaj birisarasam te keras.”

Pala o paluno rapporto si kadi influensa ande 7 tema.

Ande europake thema areslas e influensa ande Spania thaj ande Anglia, e influensa si vi ande , Nevi Zelanda, Israel ,USA, Kanada thaj ande Mexico khaj anglunes arakhadzilas.
O regeriungo ande Mexico kerel jekh rodipe pe kodola 150 so mule te dikhel pe ke chaches mule khatar kadi balengi inflensa thaj na katar varisos kaver.

E ljumaki organizacia WHO phenel ke feri 7 mule ando Mexico khatar balengi influensa.

Tetradzine si te avel jekh baro khedipe ande Eu, kote avna ministrura ande intrego Europa te vorbin pa kadi balengi influensa.
Kade phenel e sastimaski ministerka e Maria Larsson pa kado:

“Sar na si povazno kado nasvalipe, o WHO phenel kado.Kadi influensa musaj te las povazno thaj atunci musaj te las sama te dikhas te birisaras te las kado ando vast te avla kate.

Musaj vi te penav ke naj kadi influensa ando Shvedo, thaj kam avla kade ke chi avla ando Shvedo.Thaj kana si kade trobuj vi te inkrasas amen ande paca”

Maj but informacia pa kado shaj te arakhen po Krisinformation.se

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".