Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Inke jekh terno Shvedano anda Somalia mulas ande marimata ande Somalia

Publicerat onsdag 29 juli 2009 kl 11.31
Manush anda e gruppa Al Shabab foto:Scanpix

Kado phenel o Säpo khaj si o securitako policia kaj e SR International. Säpo phenel ke si maj but manush so mule kote ande Somalia so trajin ando Shvedo.

Kade phenel e Malena Rembe so si anda Säpo:

Pala kadi informacia so ame lam si  ke inke jekh terno Shvedano anda Somalia  mulas ande Somalia kana vov marlas pe anda e gruppa Al Shabab kana las pe o shon juli.

Al Shabab si o maj baro milisinogruppa so inkrel maripe karing o regeriungo ande Somalia. Si ghindura ke von keren buci ketanes e bara teroristengi gruppa Al Qaida thaj inkren sa kodo ghindo pa o Jihad – o Sunto maripe. Lungo vrama si pindzardo ke e gruppa Al Shabab rodel thaj zumavel te kiden Somalitska ternimataon so trajin ando Shvedo.

Kade phenel jekh terno rakloro anda Rinkeby pa kodo:

Kiddas 4 ternimaton thaj vorbias pa Jihad thaj pa e problemura ande Somalia, ke mishtoj te traden kote thaj ke vov birij te zutij bijetonca thaj kaver buciansa… Vov sas anda Al Shabab.

Kado so shundam si vi pendino katar kaver so sa kodo shunde katar kasave manush.
Kado rakloro so akanak mulas ande Somalia avilas ando Shvedo kana sas terno thaj trajisardas but bersh ando Shvedo angla kado ke tradas kote te marel pe anda e gruppa Al Shabab.
Kade phenel e Malena Rembe anda Säpo maj dur pa kodo ke e ternimata traden ande Somalia te maren pe anda e gruppa:

So ame daras si ke von pindzaraven pe thaj ke von sitcion but bucia thaj edukacia so von pala kodo birin te keren ando Shvedo kana aven palpale…

Po pushipe vaj si dar ke kadala birina te keren terroricne bucia ando Shvedo das e Malena Rembe kado atveto:

Jo te parudzola pe lengo ghindo shaj te aven kadala manush kodol so birina te keren jekh kasavo atentato

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".