Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

15 000 nasvale manush peren avri anda e nasvaleno systemo po kaver bersh

Publicerat onsdag 29 juli 2009 kl 13.45
Försäkringskassan Foto:Scanpix

Kana lela pe o kaver bersh peren avri 15 000 manush anda e nasvalengo insuranso, kado sikavel e Försäkringskassan.
O regeriungo das peski vorba ke kadala manush chi perena ande komunengo zutipe te len socialo, numa kanchi konretno chi avilas inke avri.

O regeriungo inke chi araklas jekh konkretno zutipe te na peren kadala manush po socialo. Akanak roden manush so keren buci ande regeringkansliet jekh zutipe so si te avel panglo e A-kassasa, kana perena avri anda e insuransako systemo.

Kade phenel o Patrik Hesselius so kerel buci po Socialdepartementet pa kado:

”Maj importanto si te birisaras te das kadale nasvalen pale jekh buci, te na keras sar maj anglal te bistras e nasvalen ande e nasvalengo insuranso”

O nevo regulo ande e nasvalengo insuranso avilas avri 1 juli ando paluno bersh 2008 ke kodol manush so si nasvale maj but sar jekh bersh shaj te lundzaren pengo nasvalengo insuranso maximalnie inke 18 chon. Kodo regulo kerel ke kana lela pe o kaver berh perena 15 000 manush avri anda kado insuranso thaj po agor po bersh 2010 perna inke 7-8 000 pengo insuranso.
O regeriungo das peski vorba ke avla kadale manushen zutipe thaj ke kadala manush chi perna pe socialura thaj akanak rodel pe varisave love te aven pangle kaj e A-kassa.

Vi maj but love si shutine pe kaver bershesko themeski kassa te birin kadal manush te dzan te sitcion thaj te len buciako treningo. Akanak avel kritika anda e oppozicia ke but manush perna avri anda o insuranso angla o zutipe so si planovano.

Kade phenel e Veronica Palm anda e Socialdemokratura:

“E kija si te arakhel pe jekh struktura sar te zutij pe e nasvales palpale, chi avla maj feder kana e manushengi insuransa zudel len avri thaj lenge avla vi phares te arakhen penge bucia”

Naj kado nevo regulo jekh chorro regulo e manushenge ando Shvedo?
Kado atveto del o Patrik Hesselius anda Socialdepartamento:

“No kado ke but manush hasaren pengi insuranca shaj te kerel pe thaj kodo avla jekh problemo, dikasam so kerla pe thaj anda kado rodas ame jekh drom te na avel kade”

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".