Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Diplomaticno holi dzal maj dur katar Israel po Shvedo.

Publicerat måndag 24 augusti 2009 kl 13.20

E diplomaticno holi dzal maj dur mashkar o Israel thaj o Shvedo. Akanak mangel o premierministro anda Israel o Benjamin Netanyahu jekh nasul vorba khatar o Shvedicko regeriungo karring o artiklo khaj sas skirime ande gazheta Aftonbladet ande paluno kurko pa o choripe pe manushikane organura khatar e palestinura.

O Shvedicko regeriungo inkrel pe maj dur pala o Shvedicko zakono po pressovo thaj vorbimasko shajipe ande media.

Kade phendas o ministro pe kaver thema o Carl Bildt khaj e Shvedicko televizia:

”Univar si phares te acharen kaver thema pa amare zakonura pa pressovo thaj skirimasko shajipe, kadalesa si amenge phares akanak thaj sas vi problemo maj anglal. Numa me ghindoj ke acharna maj palal”

Po pushipe vaj o Shvedo mangela jekh officialno ertechia pa kado phendas o Carl Bildt kade:

”Na, kadi buci si e Aftonbladets buci, von si te len responsibilita anda pesko bajo”

Israel phenel akanak ke kam von pandavna tele e visita so o Bildt si te kerel ando Israel ando chon september. Israel kamelas vi te paruvel e buciake zakonura e Shvedoske jurnalistonge pala kado so kerdas pe ando Shvedo.
Pala protestura khatar Svenska Journalistförbundet khaj o Israelosko ambasada phende von anda Israel ke chi paruven e journalistonge buciake zakonura.

Kade phendas o Statsministro o Fredrik Reinfeldt pa kado ke o Israel kamel o Shvedo te del palpale o artiklo so sas skirime ande Aftonbladet:

“Konik nashtik te mangel e Shvedoske regeriungos te phagel peske grundoske zakonura. Amaro zakono po skirimasko thaj vorbimasko shajipe si jekh baripe ande shvedicko demokratcia.

Pasha kado kamas te phenas ke ame sam jekh plurasticno them khaj ziduvura, kristianura, muslimanura, ateistura thaj manush kaver politicne ghindonca trajin pasha jekh kavereste thaj den jekh kavereste paciv. Amen sar them naj kaver ghindura pa manush thaj pa thema”

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".