Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Problemo e ternimatonca ando Shvedo

Publicerat onsdag 9 september 2009 kl 13.15
Vurdona pala e ternimata Foto: Scanpix

Pala e problemura so sas ande paluno kurko ande jekh than kaj bushol Stenhagen ande Uppsala dzal e debatta pa e ternimatongi holi thaj phabarimata so von keren ando Shvedo.

O regeriungo das neve love khaj e policia ando Shvedo thaj o statsministro Fredrik Reinfeldt phendas atunci kade pa kado so kerel pe ando Shvedoa ande Shvedicko televizia ando Rapport:

 ”Kate shundziol pe bare nasul bucia so aba but bersh shundzion de but deceniora. Korkori barilem ande jekh kasavo than. Pindzarav kadala problemura kadale ternimatonca so naj len kanchi so te keren thaj chi acharen e konsekvensura so von keren thaj lenge dada thaj deja chi birin aba te inkren kado problemo maj dur”

Muhammed anda Uppsala phenel kade peske vorbenca so kote kerelas pe ande Uppsala:

”Me diklem so kote kerlas pe, vurdona phabonas thaj e ternimata keren kado ke kamen e policia te aven te keren attakura pe policia ke e policia sas nasul e ternimatonge but vrama”

E policia phenel ke karring 40 ternimata kide pe pe jekh than thaj pandade tele o drom thaj line te shuden barenca pe policia, jekh terno mursh sas astardo katar e policia anda kado nasulipe.
E policia anda Uppsala phenen ke kadala ternimata si pindzarde katar e policia thaj trajin ande Gottsunda, kadal ternimata si mashkar 14 – 17 bersh.

Kado si jekh bari problema ke e ternimata keren kado karring e policia thaj o sherutno anda Folkpartiet o Jan Björklund phenel kade pa kado so kerlel pe ande Uppsala:

”Nashtik te aceptulisaras kado ke shudel pe barenca pe manush so aven te zutin manushen. E policia trobuja te len kado ande penge vast te avel e paca palpale”

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".