Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Shvedicko riksdago alosardas jo khaj o FRA-zakono

Publicerat torsdag 15 oktober 2009 kl 11.30
Tolgfors del argumentaci anda o FRA-zakono. Montage: SR. Foto: Scanpix.

Ando alosaripe thaj e neve bucia so sas shutine pashe njerisardas o alosaripe ando rigsdago.
158 delegatura alosarde jo 153 delegatura alosarde na.

O resultato sas zukardo ke feri jekh delegato anda Folkpartiet e Camilla Lindberg phendas ke voj mukela tele pesko glaso. E oppozicia alosardas ke chi kamel kado zakono

Kade phendas e Camilla Lindberg angla o alosaripe.

“Acharav ke chi biriv te tordzovav pala kado vi te si maj lashio akanak thaj chi birij te inkrav e oppoziciako ghindo anda kodo mukav tele muro glaso”

Pala 5 chasura lungo debatto agorisajlas o alosaripe thaj o FRA naklas.

Akanak kerdas pe kade ke kado FRA-zakono del e defensiako rodiosko than (försvarets radioanstalt FRA) chachipe te shunelpe manushengo vorbipe ande telefonura thaj pa internet.

O ghindo kadalesa si te lel pe sama pala e Shvedosko securita.

E oppozicia kamel o FRA- zakono te perel tele thaj te arakel pe jekh kaver nevipe ande kadi buci, numa si ando grundo possitivne khaj kado te birij pe te dikel pe te avel maj lashio securita ando Shvedo.

Kade phendas o sherutno anda Piratpartiet Rick Falkvinge:

”Adjes mukle amare alosarde manush o zutipe e citizentonge katar o stato. Kado avla pares lenge te keraven te avel maj feder. Akanak ashilas o pushipe kodolenge so si te keraven e kablura, kam chi kamena von te keren kadi buci”

E loli zeleni oppozicia phenen ke von paghena opre kado FRA-zakono te njerina von o alosaripe po kaver bersh. Kade phendas o Anders Karlsson so si sherutno ande defensiakobeshipe:

“O borgliga regeriungo thaj o majoriteto chi las kado po baro ke kado malavel e manushengo privatno trajo. Paghen opre kado keren jekh nevipe thaj keren kodo maj feder

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".