Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Lashie resultatura pe jekh Shvedicko vaccina po hiv

Publicerat måndag 19 oktober 2009 kl 10.06
Lashi reakcia pe hiv-vaccina foto:Scanpix

Jekh Shvedicko vaccina so sas ande jekh studia ande Tanzania ande Afrika sikadas lashie resultatura pe hiv. Kadi studia sas kerdi jokfav maj sigo ando Shvedo vi atunci sas lasho resultato numa kado ande Afrika sas inke maj lashio ande resultato.

Kadi vaccina po hiv so si si jekh vaccina po DNA so si jekh kombinacia pe jekh amerikanitcko vaccina.

Kana sas kadi studia ando Shvedo uni bersh kodolestar kerdas pe kado pe 40 manush, akanak kerdas pe kado pe maj but manush ande Tanzania thaj o resultato sa maj lashio sar maj anglal.

Sa e manush so sas ande e studia line jekh reakcia pe peski immuniteta pe vaccina thaj kado sikavel ke e vaccina zutij.

Ande ljuma si akanak karring 10 vaccini so si ande testi pe manush. Akanak diken e sikade manush lashie jakhenca pe kadal testura thaj po kaver bersh kamel pe te kerel pe jakh maj bari studia pe manush ande Tanzania.

Musaj te phenel pe ke vi te si lashie resultatura pe vaccina chi birij pe te phenelpe keci kadi vaccina birij te zutij e manushen te na nasvajven po hiv, te kerel pe jekh intrego studia pe sa trobuj inke but bersh pe studia pe vaccina.

But medecinake firmi chi kamen te den but love pe kadal studi ke but love dzan thaj but bersh kerel pe kadal studi.

Pala e paluni studia po hiv so kerde e amerikanura thaj so sikadas negativne studia daran e firmi te den maj but love ande kadala bucia ke za bari ekonomicno risko si ande kadala bucia.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".