Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Turcia holajvel pala e shvedicko decizia

Publicerat fredag 12 mars 2010 kl 11.51

Zurale reakci vazde pe ande Turcia pala e deciazia so o Shvedicko riksdago alosardas perdal ke o Shvedo pindzaravel e masakri so sas ande Turcia pe armencikura ande bersh 1915. Kado sas jekh folkmord – jekh manushikano mudaripe.
Turcia akardas peske ambasadoros palpale anda Shvedo thaj o premierministro anda Turcia o Erdogan so sas te avel po kaver kurko ando Shvedo phendas ke chi avla akanak ando Shvedo. O turkicko ambasadoro ando Shvedo o Zergun Koroturk phendas ke avna politicne konsekvensi e Shvedoske pala kado alosaripe ando Riksdago.

Angla kado sas e Shvedos lashie relaci e Turkosa thaj o Shvedo sas jekh anda e maj zurale thema so marnas pe anda Turcia te den von andre ande EU. De jekh kurko kodolestar alosardas o amerikanicko representongoker sa kado ke kadi massakra sas jekh manushikano mudaripe. E massakri pe armencikura sas ando bersh 1915 thaj phenelpe ke karring jekh dopash miljono armencikura mule thaj mashkar lende sas vi assyrura, grekura thaj kaver manush.

E Turcia phenel ke maximalne mule 400 000 thaj von mule ande marimata thaj ke kado ke akanak kado bushola folkmord si bi zakonosko.

Kodol so vestosarde maj but anda kadi buci si e armencikura ande Armenia phenel o Ingmar Karlsson so sas maj anglal generalno konsulo ande Istanbul.

Carl Bildt so si avritemutno ministro ando Shvedo phenel ke kado alosaripe kerdas feri jekh pacako pharipe mashkar e thema…

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".