Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Le Svedanura aresen anda Gaza

Publicerat torsdag 3 juni 2010 kl 13.45
Pala Kehtanengi Akcia

Mezijaspe jekh huzhi pachiv e rachi so das andre ande Zhoja kana le thrin bare huraplnura aresle pe le Turkish airlines kusa maj buth sar 400 aktivistura so avri dine anda Izrael. Mashkar lende sas 7 zhene save sas Svedanura thaj avruline themesko ministro o Carl Bildt.

O Matias Gardell, religia historiko, thaj leski romnji e Edda Manga, ideako historika, sas po Turkicko paraxodo kaj le 9 zhene sas mudarde kathar le Izrialicka kethani. 

Pala kodo so pele le Izrialicka kethani po Turkicko paraxodo, le Svedanura sas shuthine ande temlica. Kodol efta zhene so avile ando Istanbul chi komenas te skirinpe thelal ot te aven avri dine, de skirisajle sajekh, anda kodo ke le advukatura pende lenge ke kadale lilan so von skirisardepe thelal, naj len legalno zor.

O Gardel si jekh andal svedanura so sas po paraxodo kaj sas le inje zhene mudarde thaj vov penel ke le mudrade sas pushke dine laserosa ando shero vaj thena ando dji.

O paraxodo kaj o mudaripe sas dur avral ande internationalni paja, thaj o paraxodo sas jekh shel thaj panzhh moriake kilometri kathar e Gazaki phuv.

O Gadel pendas ke vov dikhlas sar le kethani lenas sama thena den opre po paraxodo kodol so usinesas andel moria, thaj ke kothar avile line koljegura save pende ke thrine zhenen mudare thaj ke pende lenge te shudenpe pe phuv. O Gardell pachajas ke von shaj mulov.

O Ship to Gaza pala lesko sas jekh pachaki akcia thaj ke kodol patretura kaj sikhaven ke von marenpe le kethanenca, penel vov ke lenge kado sas anda kodo te maren thele o attako pa phende.

Kana sas o Gardell pushlo sostar vortha o mudaripe pecisajlas pe kado paraxodo, o Turkicko, vov hachardas ke kado sas anda kodo ke Turkicko sas, thaj ke kathe sas racisisticko motivacia, pasha kado ke pe leste sas le maj buth manush, thaj ke kothe sas pe kodo paraxodo e maj bari media, savi trobujas sovljardi sigo, thaj ke kade le kavere paraxodura shaj linov exemplo peske kathar kodo so pecisajlas pe amaro.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".