Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Divano Romenca pa Ship to Gaza

Publicerat måndag 7 juni 2010 kl 12.59
O Ehud Barak Defenciako Minostro anda Izrael

Kuko kurko ashundjilaspe pa kodo so pecisajlas pe moria pasha o Izrael, kaj le Izrialicka kethani dine opre pel le paraxodura Ship to Gaza kaj mule 9 zhine. Krujales e luma vazdaspe bari kritika po Izrael ke chorres kerrdas ke das kasava zorasa pe o humanitarno projekto.

Hunji andal Svedanura sos sas pel le paraxodura Ship to Gaza pende ke le paraxodura sa spel internationalni paja kana dine pe lende le Izrialicka kethani thaj buth zhene penen ke trobuj te avel vazdino opre jekh nutralno ando dikhipe te zhangljol avri chi sas varisoski dosh kerrdini pa le Izrialoski rig. De o Ehud Barak, anda bucharenge partjia thaj ministro Izrialicko pe laki defencia vaj pacha, penel ke e dosh ande kado ashel pe e organizacia Ship to Gaza, le azhutimaske paraxodura. Sa kade o Sheruthno Ministro, o Benjamin Netanyahu shudel pestar e internationalno kritika. O Izrael penel ke vov si ande situacia marimaski thaj ke kadi akcia ka

O Lars Demetri, sheruthno po Romano Kulturako Centrum, thaj duj kaver Rom, vazden amenge opre hunji dikhimatha pe kodo so pecisajlaspe ando kurko kaj nachilas thaj mule 9 manus. O Lars Demetri sheruthno anda kulturako kher penel ke chorres sas so kerdjilaspe, numa vi penel ke vov pachal ke le aktivistura trobunas te hacharen ande soski situacia shuthepe.

Kaver rom sas po than kothe pe Romane Kulturako Centro las parcha ande vorba thaj pendas ke jiva chorres sas ke mule manush ando incedento, vov dikhel pe situacia ando Izrael sar marimaski thaj kana si e situacia kasavi trobuj o manush te lelpe pala kethani. Kana vazdaspe e vorba opre kadale Romesa ke le aktivistura po ship to Gaza sas jekh humanitarno akcia, o Rom pendas ke ashundas ke le Izrialura kamenas te zhutin len te ingeren o azhutipe feri ke von, feri ke le manush po Ship to Gaza chi kamenas lengo paroncholipe te avel pe lende.

Inke jekh Rom sas ande sobi sar zhalas kadi diskussia, thaj vov xuchildas o punkto ke naj musaj te zhanel o Izrael ke o Ship to Gaza avelas ande pacha pala historia so o Izrael naklas le buthe attakondar. O Lars Demetri gethosardas le punktosa ke si le Izrialos anda soste te darral anda lengi historia le marimaski thaj e chingar so si len.

Sar sikhadjilaspe dikhlam ke si Rom save si maj buth dikhimatha po incedento sar te avel dohsali jekh rig ando incedento. Von dikhen pe kado ke mule manush ande o incedent sat chorri djella, Numa pashe vi hacharen le Izrialoski pozicia thaj situacia. Po agoripe le parcharenca ande kado divano, hacharde ke trobuj jekh nútralno rodipe po incedento kaj lela opre sal duj riga te shaj rodense droma kasave incidentura thena pencipe maj angle.  

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".