Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Avri dinej pe Malta terne so roden azylo

Publicerat tisdag 8 juni 2010 kl 11.14
Azylongo lageri pe Malta

Maj buth sar dopash anda le shavorra thaj ternimatha so rodine azylo ando Svedo kaj so avile jekh zhene, kaj so zhukaren te aven bishade palpale ande Malta, garrudjon.

Thela o bersh 2009, 28 shavorra sas dine avri, save sas jekh zhene, kadalesa penelpe ke korkori sas von, bi dadesko vaj dako vaj varisosko maj pur gazda. Thela 2010 zhi kaj akanak 50 manush sas avri dine ande Malta, mashkar savende sas shov shavorra kaj avile jekh zhene. E Malta si o maj cino them ando EU thaj leski populacia si karing 400000. Vov si valime 93 kilometri kathar e Sicilia thaj 325 kilometri kathar o foro Tripoli ande Libia, savo si po kontinento Afrika. Anda kodo ke le Maltako than pherrel kade mashkaral e Evropa thaj e Afrika, e Malta areslas te avel jekh drom ande Evropa immigrantonge. E Malta naj feri o maj cino them ando EU, de leste si le maj buth manush ando EU pala lesko baripe. Le Themesko, justiako ministro, o Carmelo Mifsud Bonnici pachal ke karing 3000 immigranutra avile ande Malta thela o bersh 2008.

Pe o them sas kritika kathar o EU thaj le manushikani chachimange organizaciji, savi sas pe sar von pashon karing le azylantura, le manush po nashipe. Jekh rapporto anda EU anda le EUosko Parlamentoski sekcia pe le manushikane chachimatha, kaj sas skirime ando bersh 2006, pendas ke pe jekh anda le lagera kaj inkeren le azylanton, mezijaspe sar jekh klathka, thaj kothe ande jekh bar von shaj zhan avral sako djes po jekh chaso. O gethope le rapportosko penelas ke o lageri trobujas phandado te avel.

Hunji andal shavorra so rode azylo jekh zhene si bishade anda Malta pala o Dublinicko zakono. O Dublinicko zakono penel ke kana jekh manush mekel pesko them, thaj nakel pa jekh, kaj si avral e darr savathar vov nashlasthar, te del ande jekh kaver, kodo manush shaj avel boldino palpale ande kodo them kaj naklas pa leste sar roditori azylosko ande kodo them. E situacia le shavorrengi thaj ternjimathengi, so avile jekh zhene si phari pe le Maltake riga kaj inkeren le azylanton, penel e docenta pe le manushikane chachimatha, anda Malmö Högskolan, Anna Lundberg.

Pasha kaverende, o Europarådet das pestar kritika po Svedo anda kodo ke lelpe pala o Dublinicko zakono kana avel kaj o pushipe, le shavorrengo so roden azylo. Pala le immigraciako ministro, o Tobias Billström, le Svedoske musaji te lelpe pala o Dublinicko zakono, thaj si te avena bishade le azylantura kaj kodo angluno them so von nashle andre, thaj e situacia pe Malta si laki, thaj maj buth, kon ashel lasho ande kado, si o EU kommissionen. Le EUosko nevi kommisarka, kaj ashel lashi andal pushimatha kana avel kaj le azylantura thaj nashade manush, e Cecilia Malmström, si jekh anda kodol so shuthas kritika pe Malta thaj sar e Malta lelpe pale le shavorra kaj si jekh zhene.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".