Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Statiska kathar o SCB:Le lole-zelene anglej

Publicerat torsdag 10 juni 2010 kl 11.30
Lole-zeleni partji

O SCB, O Statistiska centralbyrån adjes meklas avri e siffri thaj o procento pala phengo rodipe te dikhen pe save parchi shuven le manush pesko glaso ando alope.

Te avilov o alope ando Majo, pala le SCBoski statistika, le lole thaj zeleni parchi nejrisardov o alope.

Le Socialdemokrater, Vänsterpartiet thaj o Miljöpartiet, kethanes line 50,2 procenti, thaj le chache rigake politikura line 44,2 procenti. Le Sverigesdemokratura line 3, 9 procenti ande o rodipe le statistako thaj kado chi avelov dosta te shaj den andre ando parlamento, ando purano rodipe ando 11to shon len sas 5,1 procenti. Le Socialdemokratura line 33, 8 procenti, savo sikhavel ke pelas de kathar o rodipe ando 11to shon kusa 3, 6 procento, thaj le moderatura gele opre 2, 2 procenti.O Miljöpartiet gelas opre kusa 3 procenti thaj line 10, 7 procenti anda glasura ando rodipe, o Vänsterpartiet gelas opre kusa 1 procento thaj line 5, 6 procenti. O Centerpartiet gelas opre 0, 8 procenti, maj cera sar jekh. Thaj line 4, 6 procenti anda glasura. O Folkpartiet palem pelas kusa 1, 1 procenti, thaj si len 5, 8 procenti, e Krisdemokrater palem line 4, 5 procenti, savo naj jekh baro pharrujipe kathar o purano rodipe ando 11to shon. Ando alope thela o bersh 2006 le Moderatura line 26, 2 procenti, o Folkpartiet las 7, 5, o Centerpartiet las 7, 9, thaj e Krisdemokrater line 6, 6. Anda le lole parchi, le Socialdemokratura line 35 procenti, thaj o Vänsterpartiet lasas 5, 9 procenti. O miljöpartiet las andre 5, 2 procenti anda glasura thaj le kaver parchi line 5, 7 procenti.

O rodipe kathar o SCB mindigh/kanagodi sikhadas kon avela le njeritara, de sar las te kerrel pesko rodipe ando bersh 1973. O rodipe so kerrdo duvar ando bersh, jekhvar ando 11to shon thaj jekhvar ando 5to shon. O rodipe kizdijpe de kathar o 28to april zhi kaj o 30to majo, thaj o roidpe so kerrdo kusa 9000 manush. Anda kadal avri pele 32, 1 procenti, kadalesa penelpe ke 6135 zhene line parcha ando rodipe.  O rodipe inkerelpe 24 djes. Le Socialdemokrater las le maj buth glasura kathar kodol so anglunes shuven phengo glaso ando alope, kusa 29, 4 procenti, thaj e Moderaterna line 24, 2 procenti. Maj cera las o Centerpatiet kusa 1 procento.Andel bare forura sar o Stockholmo, Geteborgo thaj Malmö, le Moderatura line maj buth glasura sar le Socialdemokratura. Po Stockholmo kaj le moderatura si 38, 6, kaj le socialdemokrater si 20,9, ando Malmö kaj le Moderater si 37 kaj le Socialdemokraterua 25, 1, thaj ando Geteborgo kaj le Moderater si 33 thaj kaj le Socialdemokratura si 27, 2. Pe le Socialdemokratura maj buth anda zhuvlja shuthe phengo glaso kusa 33, 5 procenti. Pe kaver rig, le Moderatura line 29, 2 anda zhuvljange glasura. Le mursh palem shuthe 34, 9 glasura pe le Moderatura thaj 31, 8 procenti. Te ashilov o alope feri pe le mursh, chi dinov andre chi o Centerpartiet, kusa 3, 3 procenti, thaj chi le Kristdemokraterna kusa 2, 9 procenti ando parlamento.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".