Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Diskriminacia

Sostar darran le Roma te penen phenge Roma?

Publicerat tisdag 15 juni 2010 kl 09.27
Francuzicka Roma Nashade

Buth zhene mashkar le Roma darran kathar e diskriminacia jiva von shoha korkori chi nakle la. O baro puhsipe ande kado si kathar kado avel, thaj sostar existolil.

O pushipe avelas angle kana araklam Romen so bikinenas xabe po Kungsträdgården thela o resterangsdagen. Kadal Roma so bikinenas o xabe kothe phende ke von aba de buth vrama bikinen xabe po Kungsträdgården, feri chuda sas ke kado chi zhanelaspe kade. Ando intervju lenca avilas angle o divano ke von chi kamen te aven pinzharde sar Roma kana von bikinen o xabe, anda kodo ke le Romen si zhungalo patreto pa lende. Anda kado araklam amen Romenca so shoha chi nakle diskriminacia numa sajekh garraven ke von Roma si.

Buthivar penen le Roma ke kana si jekhe Romes bari skola thaj ke si len zor ande kodo so von zhanen, atunchi naj kasavi darr ke avena shudine pa buchi ke von si Roma, ke kam lenge gazdura le buchake aba zhanen len sar lashe buchara thaj ke von trobun len. Numa jekh anda kadal Roma, so araklam amen lenca, si enzhineri thaj vov phendas ke vov garravel ke Rom si anda kodo ke te kerrela chorres variso, busholape ke kodo kerrdaspe anda kodo ke vov si Rom, thaj na ando kodo ke kade kerrdjolpe kado hunjivar.

O Robert Brisenstam, sichol te avel advukato po Uppsala Universitet, thaj kerrdas rodipe ande Romani historia. O Robert pendas ke kadal Roma darran anda kodo ke zhanen pa kaver Romende so nakle diskriminacia, thaj ke e Romani historia sas jekh savi nakle buth Roma diskriminacia thela lathe. Kadalesa pendas vov ke buthe Romende si jekh trauma so nakle ande historia anda savathe buth Roma darran thena denpe lengi dosh ke Roma si, thena avel pe lende diskriminacia.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".