Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Debatto

Debatto partjango ando parlamento

Publicerat onsdag 16 juni 2010 kl 11.35
Sahlin & Reinfeldt

Adjes ando Svedicko parlamento zhal o gethondo debatto le partjango angla o alope.

O debatto si ando shalin kathar o nevo pharrajipe pe le pachamaske siffri kaj le oppoziciaki bari e Mona Sahlin. Pala jekh ginajipe kathar o DN/Synovate si kaj o sheruthno ministro le Svedosko, Fredrick Reinfeldt, maj baro pachape andel 5 katagoriji. 68 procenti dikhen po Reinfeldt sar maj lasho sar jekh reprezentanto le kavere themenca, kana kado si shuthino pasha le Sahlinako, savo si 18 procenti. Kana avel kaj kodo te inkerel le Svedos ande jekh phari vrama, kaj o Reinfeldt si 62 procenti pachamasa, 60 procenti pachan ke vov shaj tradel le regeringoski buchi, thaj 23 procenti inkeren ke e Sahlin lashi avela pe kado. Le partjengo debatto inkerdjol thrivar ando parlamento sako bersh, jekhvar ando 10to shon, o angluno thaj akanak ando 6to.

Jekh andal bare punktura sosa putherdas o Reinfeldt, sas pa e buchi thaj ke savorren trobuj jekh buchi pala kodo so von birin te kerren. Sar hacharel o Reinfeldt, o kaveripe mashkar le chache rigake partji thaj le oppozicijake partji si ke le chache marenpe te aven bucha thaj ke e oppozicia inkerdjol maj buth kaj o azhutipe lovengo.

E Sahlin pendas palpale ke savorri inkeren jekhimasa ke e buchi si vazhno de lako gindo sas kruglom sostar o regeringen las andre ashajipe pe o aktiviteto azhutimasko le ternenge.  O Reinfeldt das anglal thaj pendas ke le terne bibuchange len jekh sicharimasko azhutipe, coachingsstöd, de kathar o angluno djes po Arbetförmedling. De E Mona Sahlin kamel ot te avel kade ot te shaj len sicharipe thaj praktika neki, numa ke o regeringen pachal ke o manush musaj anglunes te rodel buchi anglunes maj cera thrine shonenca anglunes. Voj pendas ke feri jekh 20to andal ternjimatha len sicharipe.  E Mona Sahlin penel ke le chache rigake partji barraren o o duripe mashkar le manush. O pochinipe ando pharraripe le skattosko nashtik te avel akar sosko. O barvaljipe le Svedosko si ke lesko fundamento tordjol po jekhipe, thaj mekel pestar o pushipe e Mona Sahlin sosko Svedo kamen le alotara te avel o Svedo, na feri andel 4 bersh so pashona de buthesa maj angle.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".