Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Nevo budzeto khatar o regeriungo

Publicerat tisdag 12 oktober 2010 kl 13.15
Anders Borg, finansminister (m) avdive prezentirindja nevo budjeti ani Shvedska

Ande regeriungosko propozicia po budzeto khaj sas adjes presentulime si o baro fokus pe kodo te aven e manushen buci, kado naj nevo feri sa kodo so sas ande e alliansoski alosarimaski manefestacia. Totalnie kamel o regeriungo te del 13 miljardura koroni. Kadal si cine zutimata ke musaj te dikhel pe sar e ekonomia avla phenel o finansovo ministro o Andres Borg. Numa vi te si kade ke musaj te dikhel pe pe e ljumaki ekonomia sikadziol pe pala prognosura so o regeriungo sikavel ke e Shvedicko ekonomia si te vazdel pe thaj te avel maj zurali thaj atunci avna maj but love thaj neve reformura phenel o finansovo ministro o Anders Borg.

Po kaver bersh ando bersh 2011 avna e kaver reformura pe e 13 miljardura. Atunci dzana 7,5 miljardura anda kadal love po maj cine skattura e pansioneronge thaj e kommuni len 3 miljardura zutipe khatar o them.

3 miljardura dzan pe bolniciake zutimata thaj pe edukacia, 500 miljonura te avel maj lashi kultura thaj po sporto. 1,5 miljardura koroni dzan pe kodo te len e manush maj but bucia thaj kadal love si dine pe extra zutipe pe buciako marketi thaj te aven zutipe khatar coachi thaj praktika e manushenge so si bi buciako. 

Si te vazdel pe o dikhipe te aven maj but imigrantura pe buciako marketi ke but manush si aba phure thaj kaver manush musaj te len perdal but bucia phenel o ministro Anders Borg.

Pasha kado del pe inke jekh miljardo koroni pe edukaciako marketi thaj kote si e studentura te len maj bari studielån kusa 500 koroni thaj ande gymnasium si te aven inke lärlingsplatser khaj terne sitchion buci pasha chache buciare pe differentne thana pe buciako marketi.
Kadal propozici si kasave propozici khaj o regeriungo phenel ke si zurale propozici khaj musaj te nakhen perdal. Pala kadal propozici si inke ambitci pe kaver bucia numa zhi pun kodol ghindura vazdena pe musaj e ekomia te avel maj lashi. Atunci shaj e granica pe themesko skatto te vazdel pe thaj o restoranosko momso shaj te perel tele.

Totalno kosta pe themeske bucia ando budzeto ando bersh 2011 so po 1005 miljardura koroni.

Thaj vi te si e alliansa minoritetnoregeriungo mezij pe ke lenge propozalura nakhena bi problemongo. Pala jekh vrama avla e oppoziaciako budzeto thaj kana avla o alosaripe njerija e alliansa ke e lole zelene chi dzana te len zutipe khatar e Sverigedemokratura.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".