Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Azil

EU komisioneri kamol te achavo e azilantien kotar e Srbia thaj Makedonia

Publicerat fredag 22 oktober 2010 kl 10.03
EU-kommissionär Cecilia Malmström. Foto: Alice Petrén/Sveriges Radio.

Shvedsko EU-komisioneri Cecilia Malmström kerdja reakcija so but Serbiake tahj Makedoniake dizutne aven ane EU thema te roden azili. Voj phenda shaj te phanavolpe e granice thaj te ljolpe palje o sistemi e vizengo akalje themenge ako na achaven o autobusia save aven ane EU kotar e Srbia thaj Makedonia te roden azili. 

Shvedsko EU-kommissioner Cecilia Malmström kerdja reakcija so but Serbiake tahj makedoniake dizutne aven ane EU thema te roden azili.

Voj phenda shaj te panavolpe e granice thaj te rolpe palje o sistemi e vizengo akalje themenge ako na achaven o autobusia save aven ane EU te roden azilji.

Sar ljilaljape o bersh 2010 kan pravdilo o drumo e manushenge kotar e Srbia thaj Makedonia but ljnge dizutne alje te roden azilji ane EU thema. Vakerolpe kaj dji akana ani EU alje 4000 manusha te roden azilji thaj jekh baro gendo si e Roma.

Ano piro ljilj e Srbiake thaj e makedonijake e EU-kommissioner Cecilia Malmström harmondja pire kolegonge  te na achavde e manushen thaj e autobusijen te aven ani Shvedska te roden azili shaj te avol o puchibe te irinolpe ano purano sistemi te rode viza te shaj hulje ano EU thema phendja akava e EU-kommissioner Cecilia Malmström.

Ano akava moneti but manusha kotar akal thema roden azilji ani Shvedska, Belgia thaj Holandija thaj e Germania.  Thaj si jekh shpekulaciaj kaj akav kerolpe organozovano sostar ano jekh kurko avol jekh autobusi phero manushenca te roden azili ane kala thana.

Adjukha koristinolpe o sistemi negativno so o granice pravdilje avrijal phenol e EU-kommissioner Cecilia Malmström. Thaj akana rodol seriozno kotar e Srbia thaj e Makedonija te achaven e manushen te koristinen o pravdo sistemi bi vizako.

Oj hem vi phenda kaj kalje e Srbia thaj e Makedonia kerol vi phare e themenge sar so si e Bosna thaj Hercegovina, e Albanija te parva ljenge droma bi vizako. Te an avol vi odothar jekh baro gendo te roden azilji ane EU thema.

Amen ano radio romano kamljam te puchamen e romendera sostar roden azilji kana kana pravdilo e vizako sistemi ake so on phende amenge.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".