Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Arkelsten mukhel jekh buci ande firmaki borda

Publicerat torsdag 28 oktober 2010 kl 11.11
Sofia Arkelsten

E moderatongi nevi partiaki sekretarka Sofia Arkelsten muklas kaveren te pocinen lake tradimata ande kaver thema tela kodi vrama so voj sas jekh riksdagsledamot thaj enviromentosko politicno manush e partiake.

Aratchi avilas avri o nevipe ke e Arkelsten sas ande teluni Francia khaj e firma Shell pocindas o drom thaj o trajo kote tela duj djesa.

E riksenheten mot korruption - e themeski organizacia karring korrupcia ando them, si te dikhen pe kadal bucia.

Numa vaj vazdela pe kado pre vaj na chi dzanel pe adjes. Adjes rapportulij e gazheta Aftonbladet ke e Arkelsten tradas pe inke duj radimata ande kaver thema thaj vi kodol sas pocine.

E tradimata sas ande tanzania 2007 so e Riksförbundet för sexuell upplysning RFSU pocindas thaj jekh sas ande Finlando ando bersh 2008 so e lobbyorganizacia Forum för energi pocindas.

Professor Cleas Sandgren anda Istitutet mot mutor - e institucia karring miti phenel ke kodo so e Arkelsten kerdas nas mishto.

Akanak mukhel e Sofia Arkelsten pesko bordosko than ande firma Sweco pala e pushimata so e journalistura khatar e gazheta Dagens Nyheter vazde opre.

E Arkelsten las kadi buci ande e firmaki borda kana voj beshlas ando riksdago thaj kado chi trobusardov voj te kerel phenel o Claes Sandgren Sofia Arkelsten chi kamel te del komentari pe kadal neve dzanglimata pa e tradimata numa phendas aratchi khaj o TT ke voj ghindosardas ke kadal pocinde tradimata sas andre ande e rama pe laki buci sar jekh riksdagsledamot.

Adjes phendas o statministro Fredrik Reinfeldt ke les si maj dur pacape a Sofia Arkelsten pe jekh presskonferenso

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".