Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nationalno

But vrama pe chavorengo azutipe

Publicerat torsdag 17 februari 2011 kl 15.00
Chavorengo maripe
(5:49 min)

Za but vrama lel a policia thaj e åklagare te dikhen perdal barnmisshandel - e bucia kana e chavora mardzion varikastar khaj si maj phuro, sikavel jekh rapporto khatar e organizacia Rädda barnen.

Pala shvedicko zakono nashtik kadal bucia te nakhen maj but sar 90 djes numa kana dikhel pe perdal pa intrego shvedo dikhel pe ke dzal karring 115 djes vaj maj but.

Kana nakel kade but vrama acharen e chavora ke pes korkorri phenel e Åsa Landberg so si psykologo pe organizacia Rädda barnen. 
Thaj kodo ke djal za lungo vrama kerel ke e chavora bistren univar kodo so chaches kerdas pe. Sar exemplo lel jekh policiaki investigacia ande Malmö 168 djes thaj ando Sundsvall 153 djes thaj kana kadal bucia si te vazden pe opre, naklas za but vrama e chavora te seren sa so kerdas pe. Heälsinborg si jekh foro khaj nakhavel peske investigaci sigo, lenge nakhel feri 66 djes pe barnmisshandel, numa lende si vi 4 åklagare so si specialno shutine pe kadal buci, phenel o kammaråklagare Christer Forsman.

Numa kado ke djal sigo ando Hälsingborg chi kerel ke djal maj sigo ande intrego them thaj musaj te dzal maj sigo ande kadal bucia ke e cine chi birin te zutin pe korkori sar e maj phure, phenel e Åsa Landberg so si psykologo pe Rädda barnen.
Numa sostar dzal kade phares kadale buciansa khaj e policia thaj khaj e åklagare? Radio Romano vorbisardas khaj e policia ande Stockholm te pushel pe. Ravi Rai so si sherutno pe familjaki gruppa ande City polisen ando Stockholm phenel ke o zakono si sa kodo pe chavora sar pe maj phure naj differencia, si te avel manushes jekh fyzicno dukh khatar jekh maripe te birij pe te vazdel kado opre. Numa te cirdela e dej peske chavorenge bal vaj te chupija zurales ande pesko chavoro vaj te cirdela e chavoresko khan..

Univar chi marel o dat thaj e dej peske chavores feri si nasul verbalnie karring o chavoro.. Kado si jkeh kaver dukh naj fysicno dukh feri psyhicno. Sar si atunci?  O Ravi Rai so si sherutno pe familjevårdsgruppen ande city, Stockholm phenel ke kadi buci si phari thaj ke musaj te dikhal pe perdal sa so kerdas pe ke kade chi birij pe te getoj pe e policijno bucij. Thaj pe kadal bucia so ame pushlam kana varikon cirdel e chavoresko khan vaj te cirdel pe e chavoreske bal phendas vov ke si kasave bucia so nakle pe krisi numa ke musaj te dikhel pe pe sako jekh buci, chi birij te phenel pe variso generalno pe kadal marimaske bucia po barnmisshandel.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".