Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nationalno

Swedo lel kritika anda exporto e puskengo

Publicerat måndag 21 februari 2011 kl 13.17
Swedo nirij love po exproto le puskengo. Foto: Richard Myrenberg/Sveriges Radio

Iva sas e finansovo krisa sar maj bari ando 2009 bersz nirisarde le majbare firmi kaj lenpe puskenca vaj vapen, 15 miljardura dollara maj but sar o bersz angla kodo. Kado sikaven le neve siffri katar e Stockholms internationella fredsforskningsinstitut, Sipri.

O bikinipe le puskengo vazdaspe sako bersz de anda 2002 bersz kanna o Sipri las te dikel pherdal o bikinipe, maskar le bersz 2002 aj 2009 vazdaspe kado faho 59%.

Aj akana gindoj e organizacija Svenska Freds ke o Swedo saj bikindas vapen le temenge kaj hasnin le karing le demonstrantura ande arabicni themma.

Algeria, Saudiarabia, Bahrain, Jordania, Kuwaito, Förenade arab emirater, Tunizia, Oman aj Qatar si themma kaj kinde vapen le Swedostar ando 2010 bersz, sikavel siffri katar e Inspektionen för strategiska produkter ISP.

O Regeringo pennel ke o Swedo nastik biknel vapen kasave themenge kaj keren kränka peske manuszen.

Aj akana vazdaspe jek debato desar o ISP pendas ke saj exportulin vapen ande themma sar Bahrain aj Saudiarabia.

-chorres perel mange kanna davma gindo ke o Swedo exportulij vapen diktatoronge kaj malaven tele peske manuszen, pennel e Anna Ek anda Svenska Freds

O Andreas Ekman palem kaj si general direktör anda ISP pennel ke kado so Swedo bikindas le themenge, naj kasave vapen kaj saj hasnin karing le manusz aj ke kodo si kinde sar spanings system hasnin von te araken piraton ando Indiska oceanen.

Jek anda faktorura so si ke vazdelpe o bikinipe le puskengo krujal e luma si ke e kontraktura le firmenge si dosta lungi aj vi ke but love keren e marimata, sar e Amerikake kosti pe e buci karing o Irako aj Afghanistano

Desar barol kado handlo de efta bersz, chi mezij ke cinola kadi vrama so sital, sar maj feder saj ashadziola te barol. No ferik desar e Amerika si kasavo baro konsumento le puskengo mezijpe ke o handlo aj exporto pe vapen krujal e luma ferik saj barol.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".