Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nationalno

Avrithemutni politika kaj o Olof Palme inkrelas

Publicerat måndag 28 februari 2011 kl 13.03
So kerel driva le Olof Palmes sar politiko

E luma pharudzilas zurales desar mudarde le Olof Palmes de 25 bersz kodoleske. Ando 50 60 aj 70 bersz sas o sudro maripe maskar le bare maktura.

O kärnvapenhot sas konstant, e Europa sas shindi politicnie. E Östeuropa sas tella o Sovjetosko vas, kanna o Ungro aj Tjeckslovakien zumavenas te len pe avri anda kadi regima sas tele malade. Ande Västeuropa inkrenas le themma e diktatorura aj militärjuntor ando Portugalia, Hispania aj Grecia.

E avri themutnipolitika sas kodo so inkrelas le Olof Palmos sar politiko. Baro effecto las wow katar peski vrama ande Amerika kanna phirelas kothe ande skola ando 40 bersz, oprruch kado las vi inspiracia katar peske visitura ando Asia. 

No ferik but pharudzilas de atunchara de anda 1986 bersz. O Pierre Schori kaj sas kabinetssekreterare po UD pe kodi vrama aj sas anda kodol manusz kaj kernas maj pashe buci le Statsministrosa Olof Palme, vov penel amenge so majbut saj chalilov le Olof Palmos ande adjesutni vrama.

E avrithemutni politika sas vareso kaj tordziolas pashe pasa le Olof Palmosko ilo, tela but bersz inkrelas vov kadi politika ande peske vas pennel o Pierre Schori.

Leski politika sas nevi aj vareso so vazdel o intereso kaj le terne, but shunenas pe les aj vi phandenas pe lesa, pennel o Peirre Schori.

But zhene phennen ko o Olof Palme sas o maj lasio politiko ando Swedo. Ande leske engagemang aj kritiki so dellas, avnas patretura aj vorbi kaj gele ande historia, sar kanna vorbijas pe Hispanolitsko diktatoro o Franco kaj ando 1975 bersz muklas te mudaren 5 baskiski nationaliton::

Sakado bersz laspe o Palme palla e komunisticno regima ande Tjeckoslovakia, e viziri Gustav Husak aj leski gruppa kamenas te ashaven kodole gruppen ande partia kaj sas ”socialvänliga” aj kaj o inrikes aj policiako ministro phendas kasavo vorbi.

Vi kana o Olof Palme vorbijas po krechuno ando 1972 bersz vorta kanna e Amerika muklas bombi pe Hanoi Nord-Vietnamosko sherutno foro. O Olof Palme shutas kadi situacia pasha situacji kaj le nazistura aj facistura kerde ande historia.

Kaj ohendas kade vazdaspe holi ande Amerikanitsko regeringo karing o Swedo, aj jek diplomaticno konflikto kizdisalas o resultato sas ke o phanglipe maskar e Amerika aj o Swedo sudrilas telak vrama.

O Palme lelas vi kritika ande pesko them anda peski avrithemutni politika so vov inkrelas. But zhene chi pachanas ande les pe kado punkto aj pennenas ke leski politika sas za kontraproduktiv pek kasavo cino neutralno them sar o Swedo.

O Pierre Schori pennel sostar kasave zurale vorbi penelas o Olof Palme.

Kade sar o Olof Palme kaj phandelas e vorbi nas po shusho. Me serav kanna simmas ande Harpsunds biblioteka de but vrama kodoleske, aj sunos sar o Dunitsko statsminister o Jens Otto Kreagh pushlas katar o Tage Erlander, kaj sas o statminister ando Swedo pe kodi vrama, sostar kasave bare aj zurale vaj häftiga vorbi pennel o Olof Palme, pe lesko pushipe phendas o Tage Erlander leske ke kamel te vazdel e manuszenge jaka aj pharesi tenna hasnisa zurale vorbi.

Iva but pharudzilas tela kadal 25 bersz tordzion maj dur but pushimata ande save o Olof Palme sas engazovano pennel o Pierre Schori, sar e situacia ando Mellanöstern, te marenpe ande le chorrora manusz, aj te inkren o FN.

Sar aktualnoj o Olof Palme adjess, ke ando Swedo chi vorbin pe las vaj pa leski politika kade but, saj avel kade ke maj vazdinoj ande kaver themma?

No saj pennes kade te dikesa pe manifestacji aj kasave bucia, jek exemplo si ke simmas ando Rom aj kerde citera leske vorbi aj serav ke manusz linne te roven, ke vov marlaspe anda jämställdhet maskar le mursz juvla aj tenna al von aj amme feri savore tan amme. Ando Swedo trajin majdor le Olof Palmoske gindura aj idé, aj te pennes ke leske idé aj gindura mule si sar te pennes ke le gindura so o FN inkrel mule aj ke e deklarcia pe le manuszikane chachimitata mulij. Ke o folkrätt chi trajij. Te dikesa kade saj pennel o manusz ke kodi felastra kaj o Olof Palme puterdas, si adjes maj phandadi, anda kodo ke za chihoj, chi zal te inkres avrithemutni politika po twitter vaj te keresla blogga. Pennel o Pierre Schori kaj sas jek anda kodol manusz kaj sas maj pashe le statsministrosa Olof Palme aj vi o kabinetssekreterare.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".