Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nationalno

6,1 miljardura koroni shute te keren maj but buciake tanna

Publicerat torsdag 10 mars 2011 kl 13.56
EU:s flagga. Foto: Libor Zavoral/Scanpix

8 Mars sas jek kidipe vaj seminarium kaj o Processtöd kerdas, O kidipe sas ando Stockholmo aj o temato kado razo sas pa le Romengi situacia ando Swedo. Kado temato sas vazdino anda kodo ke o Socialfonden kado bersz si shutino pe trin kategorji, aj jek anda lende si vorta shutini pe Rom.

E Europeiska Socialfonden vaj ESF si jek fonda shutini anda EU aj site vazdel projektura te den maj bute manuszen bucia. E Karin Pärsson kaj si samordnare kothe pennel ke si 6,1 miljardura koroni shutino pe bucia ando Swedo.

Pe agenda po kidipe sas e Maria Leissner kaj si demokrati ambassadorka aj kerlas buci pe delegacia pe romane pushimata, voj vorbijas aj dellas exemplura sar le Rom trajin ando Swedo. Pennelas ke e dosz butivar shutinij pe Rom kaj inkren pesko traje kado, ke naj le bucia aj ke chi zan ande skoli, aj angla la naj kado le Romengi dosz, ferik ke le manuszengi kaj si e majoriteta vaj majoritetsbefolkningen. Pennlas ke kaj le Rom sas diskriminovani tella jek lungo vrama, hasarde von e biziala pe manusz aj o resultato kadalestar si ke le rom inkren pe ketane aj chi birin te den ando samhälle. Maj dor pennelas ke e Romengi situacia naj lasi ando them, but site pharudziol, aj o angluno paso site mangen jek officalno ertechija le Romendar penndas e Maria Leissner.

Po kidipe sas o temato pa bucia. Sar site kerel o manusz te zutij le Romen te len bucia. O Socialfonden vaj ESF si jek fond anda EU kaj shutinoj te zutij le manuszen te len bucia. O plano le Swedoske si te den maj bute manuszen bucia aj te zutin kodolen kas si bucia te inkren le. Kamen tennal jek utanförskap, de anda 2007 bersz las pe kado aj tela 7 bersz si von te keren buci kadalesa. No ferik soski buci keren von le Romenca, e Karin Pärsson pennel:

O kidipe dellas informacia sar föreningura aj förbund te keren te roden e love te saj zutin le Romen te den pe bucia. Jek pushipe kaj si zurales importantno adjess. Te rodes love po projekto si jek alle sosko resultato saj del kado, aj sar saj mirij o manusz vaj e love gele po mishtipe. Pe kadal pushimata del o Hans Krautz pesko atveto.

Kadal riktlinjer inkren zi ando 2013 bersz lengo gindo site ke zi kaj kadi vrama tall kade ke maj bute manuszen avna bucia ando Swedo, kothar pennel o Karina Pärsson ke keren neve riktlinjer aj kothe si e Rom specisizovani. Ke ande kadi faza pheren le Rom tela e kategoria kaj si utanförska. Palem ande faza kaj lelpe ando 2013 bersz si von andre skirime direkt.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".