Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nationalno

Ando anglunipe maj but bucha ando Shhvedo

Publicerat torsdag 14 april 2011 kl 14.16
Pozitivno aglunipe ando marketi e buchako ando Shvedo
(4:48 min)
Pozitivno anglunipe ando marketi e buchko ando Shvedo

O marketi e buchako ando Shvedo mothovol jkeh positivno anglunipe. Ando rigeringosko milajesko budjeto phendape kaj o bibucharipe ka perol telje but thaj ka aven neve bucha. Phenelpe kaj ande bucha ka huljen 320 000 manusha dji ko bersh 2015. Phenolpe kaj o naglunipe ka avol mishto vi e ternege a vi thaj e manushege save aven kotar o javer thema te train ando Shvedo. Avdive o bibucharipe andi Shvedska genralno si dji ko 8 procentia a o ministari e ekonomiako o Anders Borg phenol kaj ka perol ane 4,9 procentia dji ko brersh 2015.

E grupe savenge si maj phare te aven dji ke bucha si e manush save aven kotar o javer thema te train ani Shvedska. Bute djenen nanen edukacia savi si relevantno te kerolpe buchi ane avdivesko marketi e buchako ani Shvedska. Mashkar akiaj grupa isi vi but djene save si uche shkole akademski numa palje lejnge phare te huljen ano bucha.

Numa ka avol mi maj kolaj te huljen anade bucha akan kan djal mishto e Shvedoske ekonomiake?Anders Forslund si professor ando Institutet e buchke marketiske andi Uppsala phnol kaj but lachi si e situacia, positivno ando marketi e buchako.

Godo so si mishto, thaj so ka dol zor e menushge save aven kotar e javer thema te djivdinen thaj keren buchi ando Shvedo ka avol maj kolaj te huljen ande bucha. E shefia ande but firme na hinelejn but thana te den neve bucha, odoljestar rodolpae but kotar jekh individa, numa akan thaj ando anglunipe ka avol maj kololaj sostar kerenpe neve buchake thana thaj e shefien ano firme na ne vreme te birinen but sar so kerdje dji akana numa musja te ljen manushen save ka pheren o thana thaj ka sikljon te kern buti po than.

Numa achol jekh baro probljemi kaj isi but djene kotar akija grupa saven si universitetia, si inginjeria thaj akademske shkole. Ka dolpe mi ljenge shansa akana akana on rodenpe but ando marketi e buchako?

O Anders Forslund savo si professor ando Institutet e buchke marketiske andi Uppsala phnol kaj valjanol te dikholpe pana jekh drom maj pashe save shkole siljen thaj sar te aven po pashe dji ke relevantne bucha.

Bute djenen isi shkola numa shaj odova so on sikljilje ke po them nashti te keren buti akate thaj odoljestar musaj ljeneg te djan te sikljon maj but te shaj avol relevntno te keren buti ani Shvedska. Thaj akia situacia ando marketi e buchako shaj te zutinol aklje manushen te huljen ando bucha avdive se so sasa ande palune bucha. Sostar akana shaj hem bute djenenge te avol dosta ljenege kvalifikacie te huljen ande bucha save siljen, se so hine ande palune bresha kana hinen phare te arakhen jekh chucho than ando marketi e buchako kana hine bare konkurencie, phenda o Anders Forslund savo si professor ando Institutet e buchke marketiske andi Uppsala.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".