Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Populusticno partia angle ando Finlando

Publicerat måndag 18 april 2011 kl 10.02
Sannfinländarna sikaven pengi losh. Foto: Martti Kainulainen/Scanpix

Pala arachutno politicno alosaripe so sas ando Finlando si e maj but komentari khatar e Shvedicka politicara pa kodo ke e populosticno partia Sannfinländarna vazde pe maj but opre mashkar sa e politicne parti ande Finlando.

E partia Sannfinländarna - e chache finlanderura si zurales kriticne karring EU, karring e immigrantura thaj si kriticne karring kodo ke ginavel pe Shvedicko chib ando Finlando.

Kadi politicno partia vazdas pe opre kusa 15 procenti de katar o paluno alosaripe so sas ando bersh 2007 thaj si akanak jekh bari partia kusa 19 procenti katar sa e alosara ando Finlando.

Avri themutno ministro Carl Bildt skrij pe pesko mikroblogg po Twitter ke si dosh te daral pe thaj vi o sherutno khatar e Socialdemokraterna o Håkan Juholt phenel ke si dar kana zurajvel jekh kasavi populisticno partia.

Jimmy Åkesseon anda Sverigedemokraterna si loshako anda kado bararipe khaj e Sannfinländarna ando Finlando thaj phenel ke si mishto ke si kaver parti khaj sikaven ke naj mishto kodo ke aven but immigrantura ande e thema. Sa e bare parti hasarde ekcera anda penge alosara. Feri e Sannfinländarna vazde pe opre.

E maj bari partia sas Samlingspartiet khaj lel e buci te vazden opre jekh regeriungo. Von line 20 procenti thaj po dujto than las Socialdemokraterna 19 procenti thaj akanak ghindoj pe ke vi e Sannfinländarna lena than ando Finlandicko regeriungo.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".