Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Khedipe pa rom ando riksdagen

Publicerat onsdag 27 april 2011 kl 12.48
Roma seminarium riksdagen
(4:51 min)
1 av 4
Birgitta Ohlsson vorbijas po seminarium
Hans Caldaras vorbijas pa rom ando Shvedo
2 av 4
Hans Caldaras vorbijas pa rom ando Shvedo
Manush shunen
3 av 4
Manush shunen
Roger Haddad putrel avri o khedipe
4 av 4
Roger Haddad putrel avri o khedipe

Adjes angla mizmeri sas jekh seminarium pa e romengi situatcia ando Shvedo thaj ande Europa ande Shvedicko Riksdagen. Kote sas politicara, rom thaj kaver so keren buci e romenca ando Shvedo. Kadi initiativa las o Roger Haddad anda Folkpartiet thaj o manush so inkrel e gruppa Riksdagens tvärpolitiska nätverk för romska frågor.

Roger Haddad phenel ke von line kadi initiativa ke lenge si vazno te shunen khatar e rom e romengi situacia ando Shvedo. Roger Haddad kiddas manushen anda riksdagen ande kadi gruppa anda intrego rikdagen thaj phenel ke but anda kadal manush kamen te djanen maj but pa e rom thaj ke e politicara kamen e rom te pacan maj but anda lende.

Jekh anda e maj vazne bucia so avla kadala gruppa si te zurarel e buci so e delegacia pe romane pushimata kerdas thaj po pushipe so lenge si maj vazno anda o rapporto phendas vov e skola thaj o buciako marketi.
E Birgitta Ohlsson so si Eu-ministerka vorbijas pa e romengi situacia ando Shvedo thaj ande Europa. Voj phendas ke si vazno te avel e romengi historia ande Skolake kevni ke atunci birina e manush te acharen maj but pa rom thaj atunci chi kerla pe kasave nasulimata.

Birgitta Ohlsson vorbijas vi ke si jekh problemo ke naj adjes jekh sankciako systemo pe thema so phagen e manushikane chachimata ande Europa thaj ke trobuj te vazdel pe avri e thema so keren nasulimata te birin sa thema te dikhen kana varikon phagel e manushikane chachimata.

E Birgitta Ohlsson phenlas inke ke ministrura thaj presidentura musaj te vazden penge glasura opre thaj te phenen ke dostaj kadalesa ke naj dosta but manush pe uce thana khaj phenen kado.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".