Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Internationalno

O Kosovo rodol o drom dji ano Bryssel

Publicerat torsdag 5 maj 2011 kl 10.00
Vlora Citaku ministari ande integracia e Republikake Kosovo andi EU.
(5:22 min)
Vlora Citaku ministerka pa e Evropaki intergarcia e Republikaki Kosovo.

O Kosovo rodol o drom dji ando Bryssel, sas o anav e kedipasko pa jekh seminarium savo ikedilo ando Stockholmo ando instituti e avral e buchengo. Save pespektiva rodol te huljolpe ande integracia e EU, vorbisrad e Vlora Citaku savi si  ministari ande integarcia e Republikake Kosovo andi EU. Voj rodol sar maj anglal kotar e EU te na bistern o Kosovo palo maripe savo sas, thaj te ljenpe anglune procesia te integisinenpe ande uniake integracie, te ljenpe o vorbipe sostar sar so voj phend ando seminari amen kotar o Kosovo sam e terne neve Evropake manusha.

Thaj o rigeringo e Kosovako Rodolf te putrope e granice te shaj e dizutne e Kosovake djan ane javer thema bi vizako te aven ando shengelj, thaj te pindjaren ljengo pasaporti, thaj dosta maj e izolacia jekhe tikne themeske sar so si o Kosovo save si dji ko 2 miljonia dizutne.

Numa kobor si dur o drom dji ando Bryssel ake so phend amenge e Vlora Citaku savi si  ministari ande integarcia e Republjikako Kosovo andi EU. Numa amen o Kosovo andi drago Evropa naj varesavo kontarko e Brisselosa te kerolpe integracia ande Eu thema, amen djan kaj o drom si but dur numa amen ka kera sa te shaj ave dji ke ljeste.

Ando amaro puchibe, savi si e situacia e integarciake procesia mashkar o minoritetia thaj save mashkar ljande si vi roma avdive ando Kosovo palo maripe, e ministarka Vlora Citaku pheda.   

Shaj te phenav kaj amen o rigeringo ando akava kurko arakhlampe e romenca sar minoriteto te vorbis sar shaj te kera shukar integracia, thaj musaj te phenav kaj ljen si ando parlamento e Kosovako shtar thana rezervisime. Thaj ljenca vorbis sar te kera poshukar integracia, thaj djanav kaj akava si but pharo procesi thaj musaj vi kotar e albanciengi rig a vi kotar e romengi rig te kerolpe maj but buchi te shaj ovol rezultatia a vi shaj te phenav kaj si politikani voja, man sama amala thaj komshie roma save kamen te djivdinen ando Kosovo thaj amen dikha ljen sar dizutne e Kosovake ljenge sas phare kan sas e Srbiako rezimi. Amen vi puchlam amen kaj vi avdive si but roma thaj albancia save si ando exil, ja se azilantia sar on planirinen o ljengi inegracia te irndjpe napalal ando Kosovo?

Ja ando agor e choneko ka avol jekh delegacia kotar o rigeringo e Kosovako ando Stockholmo te vakerolpe sar shaj te irinenpe e manusha kotar o Kosovo, sostar o Kosovo avdive itano jekh demmokartiako them bi probljemjengo. Thaj savore save ka irinenpe ando Kosovo ka ovol jekh shukar realizacia te integrisinenpe ando them, phenda e  Vlora Citaku savi si  ministari ande integarcia e Republikako Kosovo andi EU.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".