Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nationalno

Manusz chi araken bucia aj ashen pe vulici

Publicerat torsdag 5 maj 2011 kl 13.13
Manusz kaj naj le khera
(5:32 min)
But zhene anda kaver themma chi arakhen bucia ando them aj jutin pe vulici. Foto: Lars Pehrson/Scanpix.

So maj but manusz anda kaver europake themma aven ando swedo te roden bucia, kado keren iva naj akarde formalnie varesoska firmatar. Aj anda kado trajin but anda le pe vulici aj naj le so te han.

But aven anda Rumunia aj anda Polska, e majoriteta anda le aven te roden bucia sar byggare, no maskar le si vi jek bari gruppa rom kaj resen ando Swedo, uni si muzikantura kaver mangen love pe vulici aj anda kado las o Crossroads kaj si jek pangli buci maskar idealni organizacji aj o Stockholm stad, aj vazdas jek projekto te saj zutij vorta kasave manuszen. Ferik ando Stockholmo ginade ke si karing le 400 zhene kaj trajin kade phares pennel o Stadsmissionen.

O Georgi anda Rumunia kaj si muzikanto aj mangel love pe vulici ando Stockholmo pennel amenge ke vov si muzikanto aj kidel love peska familjake ande Rumunia aj pe peske skoli, chi birisardas te arakel buci aj anda kado mangel vov love. Sar si adjes trajij vov aj leski familja sa ketane andek matora garudines varekaj ando Stockholmo.

O Georgi si 16 berszengo aj reslas ando Swedo peska dasa dadesa pralesa aj peske nanosa. Kanna leske sas phendo ke si tan kaj saj soven aj te han peske habe pennel vov ke chi zanelas pa kado.

E socialno sectia anda stadsmissionen maladzol 80 zhenenca kaj aven te mangen te han aj tall le kaj te soven sako djess. Ando februari zi ando mars kerdas o stadsmissionen jek rodipe te dikel soske manusz aven ando Swedo pe kadal grundi aj so len trubuj.

O projekto sas finansovano katar e europako socialno fonda aj vi katar uni sweditska idealni organizacji sar Frälsningsarmen , Stockholms Stadsmission aj Stockholm Stad ot le migrantura tena trajin kade chorres sar kaj so keren ande adjesutni situacia.

Jek kaver problemo so o geoergi pennelas sas kanna le polici huchilde les, aj shute les po socialo. Les kamenas te zutin no ferik na leska familia, anda kado chi Panglas pe vov le socialosa aj mangen maj dor love pe vulici.

O Arto Moksunen kaj si jak anda e sherutne po Stadsmissionen pennel ke but zhenen aven kate aj si le planura te vazden peski situacia, no ferik palak skurto vrama perel o plano aj den von kothe kaj si adjess.

But Sweditska firmi chi zanen ke kanna si manuszes jek arbetstillstånd ande bille sosko kaver them ando EU saj keres buci pa intrego EU.

E Paola Moscatelli anda Arbetsförmedlingen ando Stockholmo pennel skodaj ke but firmi chi zanen e regulura ando EU, ke but anda le manusz kaj aven ando Swedo kamen te den po byggbranschen jek faho kaj trubuj but buciara sar si akana.

O Crossroads birij te lel 100 zhenen karing pes sako djess. E majoriteta kaj aven ando lokalo so si le po Södermalm si manusz maskar le 20 zi kaj le 50 bersz. Aj iva pharesi ekonomicnie las o Crossroads aj shutas 5 zhenen te den peske po agor, opruch kadal manusz si but zhene kaj keren buci po iva, te zutin la sweditskona shibasa aj te den juridicno zutipe. Aj sako djess trubuj maj buten o zutipe so o crossroads del pennel o Arto Moksunen.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".