Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nationalno

Kritika po Carl Bildt

Publicime måndag 17 oktober 2011 kl 11.00
Carl Bildt ministari e avrial e buchenge ani Shvedska.

Kritika vazdel pe opre po avrti temutno ministro Carl Bildt ando Shvedo.
E kritika djal pa kodo ke vov chi del dosta bari zor pe e duj jurnalistura so beshen pangle ande Etiopia Martin Schibbye thaj Johan Person thaj pasha kodo lel vov kritika anda pesko hamipe ande firma Lundin Petrolium so rodel ulej ande Etiopia.

Kana e duj jurnalistura sas astarde ande Etiopia skirisardas jekh anda lende o Martin Schibbye jekh lil khaj skrijas pe ke von sas po than te roden avri o chachipe savi buci e firma Lundin Petrolium keren ande Etiopia. O avritemutno ministro Carl Bildt inkrelas aktci vorta ande kodi firma mashkar e bersh 2000-2006 thaj kodolesa si les duj rolli ande kadi buci.

Vov sas andre ande firma so e duj journalistura sas te dikhen perdal thaj akanak si vov jekh anda e sherutne so si te zumavel te lel len avri anda Etiopia peska diplomatciasa sar shvedicko ministro. Kritika si karring leste akanak ke ghindo si ke si del dosta zor pe journalistura ke les si leske privatne intressura ande firma Lundin Petrolium. Uni kurke kodolestar sas vov avri pushlo vorta pa kadi buci ande SVT ando programo skavlan thaj atunci phendas o Carl Bildt ke kado naj chaches.

Pala kado avilas avri jekh debatto ande Dagens Nyheter ke o Carl Bildt hohavlas ando programo kodolesa ke a firma sas aktci ande jekh anda maj bare firmi so lel pe ulejesa ande Etiopia ande firma Africa Oil.

Carl Bildt das pesko atveto pe kado ande pesko blogg thaj skirisardas ke kado naj chacho so e gazheta skrij pa leste. Vov skirisardas ke si chaches ke vov beshlas ande borda ande firma numa kodo sas angla leski vrama sar ministro thaj tela kodi vrama so vov beshlas kote nas len chi soski buci ande Etiopia. Pe kado lel vov chachipe, a firma nas chi soski buci numa e firma lelas atunci aba kontaktura ande Etiopia thaj e Kerstin Lundell so si journalistka thaj kon si kodi so naklas perdal kadal lila phenel ke ande e ljuma mashkar e biznessmenura si jekh chachipe.

Kana rodes kontaktura keres aba kodolesa vi buci. Thaj kodo vazdel e kritika po avrtitemutno ministro Carl Bildt ke phares si leske te kerel peski buci sar ministro thaj vi te dikhel pala peske privatne intressura ande sa kodo them.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".