Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
nationalno

E krisi pe sweditska journalistura shude maj angle

Publicime tisdag 18 oktober 2011 kl 11.40
E krisi shude po dej djess maj angle
(4:45 min)
E krisi shude po zoja

Adjess sas te lenpe le krisi karing le duj sweditska journalistura o Martin Schibbye aj o Johan Persson, ande Etiopia. E krisi si le ke si gindo karing le ke pangle saj si ande varesosko terroristicno plano vaj grupasa. Aj kado saj del katar le 10 zi kaj le 20 bersz temlica ande Etiopia. Le swedongo advokato o Thomas Olsson pennel le ekoske ke saj len shon zipun den po agor la krisasa aj zi kaj jek bersz zipun denna jek verdikto. Aj vi pennel ke saj avla kade ke chi zanna e krisi kade sar kaj trubuj ke vov gindoj ke la regima si za bari influnsa.

Phareesi la krisake te del jek chacho aj lashio verdikto, kanna von hasnin le regulura kaj shutinoj katar le terroristura, kado si jek politicno produkto kaj chi zal vas vastesa le chachimonge principonca, aj te birij e krisi te del jek chacho verdikto musaj von te inkren kadal principura. Pennel o Thomas Olsson kaj si o advokato, le sweditskone journalistonge.

Angluno juli kado bersz huchilde le etiopitska ketani le duje swedon de sar von dinne andre ando them anda Somalia. Len huchilde aj vi dinne le puske desar le ketani mudarde 15 zhenen aj dukade 6 rebbelon, kassa le swedura tradenas. Andek lil katar o Martin Schibbye kaj vov skirisardas la gazetake ETC skirij vov ke lengo plano sostar von kamenas ande etiopia sas te diken perdal e olejeski firma Lundin Petroleums.

O Kjell Persson kaj le Johan Perssonosko dat, na dulmut so reslas ande Etiopia te zal pe krisi, vov penlas le ekoske ke vov chinna naj ande kodol gindura vaj le krisi avna chache vaj na.

Ando Swedo vazde but organizacji le journalistongi situacia, sar e Svenska PEN, Publicistklubben aj o Journalistförbundet. Aj von sa si kriticni sar o UD inkerdas peski rolla ande kadi situacia, na ferik anda kodo ke chi kerde dosta karing kado problemo ferik ke vi le utrikesministros si investovani love ande firma Lundin Petroleum, kaj shutinij ande Etiopia. Kadal organizacji mangen akana katar o regeringo ot te vazden kado pushipe pek internationalno plano aj ot o statminister Fredrik Reinfeldt aj o utrikesminister Carl Bildt tan maj konkretni aj te tordzion pala le duj swedura ande kadi situacia, pennel o Ola Larsmo kaj si o sherutno anda Svenska PEN.

Aj adjess sas te lenpe le krisi, no palak chaso förhandlingar linne aj shudde le krisi po zoja kado kurko. Aj kado anda kodo ke le kavere duje zhenen kaj si pangle andi sakadi situacia, len nas advokatura. Rapportulij o TT.

Le Swedura mezinas lagodni aj po tan kanna dinne andre pe krisi. Lenge vas sas pangle jek jekesa, no ferik linne tele le kajdanki kanna dinne pe peske tanna. Rapportulij o TT.

Jek bari mediengi gruppa anda Swedo sas po tan adjess jokor pasha o federalno domstol kaj bushol Lideta aj si ando sherutno foro ande Etiopia. Le krisi sas te lenpe dopasz pel 8 no ferik kaj sas kade but manusz pasha krisi musajas von te roden jek maj baro lokalo, te resen savorre.

Karing le 100 manusz sa spe krisi, karing le 16 themma sas representovani, aj anda le sas karing le 10 ambassadorura.

Aj akana shude le krisi maj angle pe duj djess.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".