Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Internationalno

Romen shuden avri anda Dale Farm

Publicime onsdag 19 oktober 2011 kl 15.01
Dale Farm
(4:27 min)
Adjess si le romen te shuden tele pa peski puv

Jek anda le maj bare tanna ande anglia kaj le resande trajin, o dale farm nakel adjess bare demonstracji aj but polici kidepe po tan, kado anda kodo ke de desz bersz zal vorba maskar le resande aj le raj vaj von saj trajin pe kado tan kaj si lengo vaj na, aj adjess zumaven le polici te shuden le avri pa kado tan.

Kado desar le resanden chi dinne chachipe te vazden jek apelacia pe le krisi kaj dinne kado verdikto. Aj akana aven so maj but manusz pe kado tan te tordjon pe le resandengi righ. Duj zhene sas vi te panden pe korandar pe bar kaj so del drom kaj kado tan, aj vi shute vurdonna ot tenna birin le polici te den andre.

Akana shutaspe sa tele aj e situacia maj lagodnoj, no adjess karing le efta detehara, sas maj baro shummo kanna le polici linne te pashon pasha o tan batononca te zumaven te shuden avri le resande manuszen.

Ando dale farm trajin karing le 86 resande familji, von intregi si e oppozicia, aj lenca shutepe vi but manusz kaj avile te keren protestera, aj anda le si vi uni anarkistura.

O tan kaj zal pa les o temato, si le resande manuszengo aj von kothe trajin de 10 bersz, o problemo so si aj sostar le polici adjes kidipe te shuden le avri, si ke naj lenge slobodo te trajin kothe, chi das le o lokalno govermento, chachipe te trajin kothe.

Kado temato zal de 10 bersz palpale aj linne kado katar e jek krisi kaj e kaver, o maj baro argumento sostar le resande pennen ke kamen te trajin kothe si ke naj le katik kaver te zan.

Aj o atveto sostar von nastik te trajin kothe iva lengij e pov si ke kado tan si zanglo sar ”green belt land” aj kerel kade ke chi mukel o govermento le manuszen te budulin khera pe kado tan.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".