Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Gica - jekh romano studento

Publicime onsdag 26 oktober 2011 kl 15.31
Gica - jekh romano studento
(8:32 min)

Petru Giorge si jekh 25 bershengo rom so phirel ande duj universitetura te lel o sitciaripe te birij te trajij maj feder maj angle ande pesko trajo. Vi te si o Petru Giorge feri 25 bershengo inkrel vov jekh rolla sar jekh purikano godjaver rom.

Vov avel anda jekh tradionalno romani familja anda rumunia khaj trajin jekh romano trajo. Kana e manush dikhen les dikhen von jekhe positivnone manushes khaj djanel but numa si chi pucarel pe feri sikavel pe sar jekh terno rom so kamel te sikavel e skolako drom maj bute romenge peske experienconca.

Adjes loshal vov ke kade mishto djal leske ande leske studi thaj ke birisardas te del andre ande kadal duj universitetura. Numa kade nas mindik shutino ande leski godji.

Kana vov sas 13-14 bershengo tradas lesko dat thaj dej ande thema te birin te keren love pe jekh maj lashio trajio thaj atunci nas leske e skola kade interesno ke chi dikhelas kanchi possitivno a skolasa. Vov dikhelas maj but pe pesko romano nano khaj trajijas jekh lashio romano trajo.

O Petru phirlas maj but pasha e skola sar ande skola pe kodi vrama, vov djanelas ke vov sas godjaver ke mindik birijas vov te nakhavel e prubi ande skola. Dosta sas leske te ginavel sa ande jekh djes te birij te nakhel e pruba. Jekh djes kana vov sas 14 bershengo areslas e skolako examino, Kadi examina si pe sa so o studento sitcilas tela sa e bersh ande skola.

 O Petru gelas pe pruba thaj chi gelas leske kade mishto so vov ghindojas ke leske djala thaj pelas tele pa kodo examino. Leski familja dikhlas kado thaj line sama ke o Petru parudjiolas pe sar jekh terno chavo thaj line sama ke trobuj te keren variso drasticne te birij o Petru te avel peste thaj bishade les ando Ungro ande jekh skola so inkrelas pe pe Italianitsko chib, kado sas jekh bari dragedia e Petruske.

O Petru acharlas pe korkori thaj holjariko pe savorende ande peski familja thaj chi kamelas te kerel kanci numa lesko religiozno pacape das les zor thaj vazdas pe opre ande skola thaj las te studjuli maj but thaj phendas peske korkori ke vov avla o maj lashio studento ande intrego skola. Sar 14 bershengo ande jekh nevo them musajsas leske te sitciol duj neve chiba Ungriko thaj Italianitsko.

 Pala jekh skurto phari vrama djalas leske kade mishto ke e skola bishavlas les pe kompetitci ande Italianitsko chib. Kana vov lelas sama ke sa kado djal thej ke vov birij te avel jekh lashio studento thaj pasha kodo birijas vov te inkrel pesko romanipe las vov e decizia ke vov si te djal maj dur ande maj uce skoli.

 Akanak pala 11 bersh studia ando kaver them si vov loshako ke leski familja bishadas les avri anda Rumunia thaj adjes birij vov te najisi peska familjake ke djanel ke te na kerdov kado leski familja lesa avilov les jekh kaver trajo so chi avilov kasavo lashio trajo.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".