Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Euro-thema kerde solutcia pa euro

Publicime torsdag 27 oktober 2011 kl 11.58
Euro-thema dine vast pa e buci te nakhel e krisa

Arachi las pe jekh lashio paso kharing e buci so si te malavel pe tele o eurokrisa, numa pasha kado ashilas but buci zhi pun kote aresela pe.

Kade shaj te skurtarel pe o baro khedipe so inkerdas pe 10 chasura ando Bryssel aachi kana dine e EU thema vast pe jekh krisako plano po euro.

Jekh anda e maj bare bucia sas kodo te skrij pe tele o baro unzulipe so e Grekos thaj te zurarel pe e europaki zutimaski fonda po euro.

Kado so kerlas pe ande Bryssel chi astarel e shvedo but, konkretno trobun e shvedoske bankura te vazden opre pengo kapitalo kusa 12 miljardura koroni.

Numa kado chi avla jekh problemo e bankonge phenel o Harry Flam si si professori ande internationalno Ekonomia ande Stockholmosko universiteto. Jekh anda bucia so sas vazdine sas sar e bankura trobun te keren buci te birin te malaven tele e krisi thaj ande kado si vi o shvedo panglo thaj kote kamel o EBA so si EU organizacia te zurajvel o Swedbank thaj o Handelsbanken pesko kapitalo anda Shvedo.

Shvedoske bankura chi dine bare love unzule khaj o Greko ande lengi kriza, sar khaj o Francuzo kerdas numa te avla kade ke e francuzoske bankura thaj e njamcicka bankura perna ande jekh kriza perla kado vi pe e shvedoske bankura, phenel o Robert Bergqvist so si sherutno ekonomo po banko SEB.

Pala arachutno khedipe ando Bryssel dine e EU-thema vast vi pe kodo te perel o dopash unzulipe pa Greko thaj kodo si karring 1 000 milardura koroni thaj kado shaja te shol pharipe pe e bare privatne bankura krujal ande Europa.

Sar si akanak chi diciol kadi bari euro krisa ando shvedo numa kado birija pe te sikadjiol pe vi ando Shvedo ke inke naj sa mishto kusa o euro thaj pala araccutno khedipe pelas e Grekosko unzulipe kusa 50 procenti thaj kado si za but phenel o Robert Bergquist ke maj anglal vorbinas e thema ke avla jekh teleskiripe khaj o Greko pe 20 procenti thaj akanak avla problemura ande Portugalia thaj Spania ke vi kote si ekonomiake krisi numa chi avla khatar te len unzule love ke e bankura daran akanak ke vi von kam chi lena

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".