Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

So maj buthe shavoren choren avri anda them

Publicime måndag 31 oktober 2011 kl 11.24
So maj buthe shavoren choren avri anda them. Foto: Jonas Ekströmer/Scanpix.

So maj normalno kherdzol shavoren te choren avri anda Shvedo vaj ando Shvedo jekh anda dej vaj anda dath. Akanak dhikel pherdal o Utrikesdepartamento (UD) 134 fall thaj khado si jekh nevo trend kaj ferik barol.

Thela shov bersh pe duvareste maj buth kasave incidentura sas khatar e 54 fall ando bersh 2004 zi kaj e 108 ando phaluno bersh.

Zi ando september khado bersh ba 100 neve fall si registrovani thaj zukaren e cifra inke maj bari te avel zi po agor le bershesko.

Sostar khade vazdilas khadi problematika pachal o UD ke shaj avel anda maj phuterde granjici thaj ke maj buth manush khidenpe avi anda thema.

Anna Frank anda ideella föreningen Saknade barns nätverk phenel ke maj buth fall si sar so o UD phenel.

E responsibilizacia pa chorde shavora si kaj o UD thaj von phenen ke maj bari chansa te anen phalpale le shavoren si te ingerde le ande varesosko them kaj si phanglo ando Haagkonventionen. Tena naj o them phanglo khadalesa atunchi pe butheste maj cini e chansa te les phalpale le shavores.

Te ratulin o fall atunchi le shavores bishaven phalpale ando Shvedo ale shaj avel khade ke e desizia ashel pe khodo o shavoro te ashol khodolesa savesa ingerdasle avri anda thema thaj shov anda desh fall si kodo e dej.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".