Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Greko peravel ekonomia ande Europa

Nevo kerdo tisdag 1 november 2011 kl 14.28
Publicime tisdag 1 november 2011 kl 11.40

Maj cerra sar jekh kurko pala e data so e Europa das vast te zutij e grekos ande lengi ekonomiaki krisa phendas arachi lengo preimierministro o Giorgios Papandreou ke von si te den kadi propozalo so o Eu das len pe jekh alosaripe ando Greko.

Kado vazdas opre bare reaktci pe europaki ekonomia thaj e europaki ekonomia las te perel pe but po börsen thaj vi ande Asia. Ando Shvedo shaja kado te sikadjiol pe pe jekh konjuktura so perel thaj shaj vi o bibuciaripe te vazdel pe opre.

Adjes las pe o djes po Stockholmsbörsen kusa jekh perajipe pe 2 procenti thaj akanak avel jekh pessimisticko vrama phenel o Torbjörn Isaksson so si sherutno analytiko pe Nordea. Vi te naj o euro ando shvedo thaj ke naj o shvedo ande euroski koperatcia si e shvedos jekh baro pashipe khaj kado.

Ke te avla maj bare problemura ande kadal thana avla e shvedoske exportosa maj phares thaj e bankura chi birina te keren jekh lashi buci mashkar pende thaj kodo diciola pe but ande shvedoski ekonomia.

Kana e eurothema dine vast te zutin e grekos sas jekh zukaripe ke avla jekh teluni konjuktura ande europa pa jekh vrama numa kado so kerdas pe arachi ande greko kerla ke kadi teluni konjuktura avla maj sigo phenel o Torbjörn Isaksson anda Nordea thaj phenel ke kado dicol aba akanak ke firmi daran pa kadi teluni konjuktura.

Kado ke o Papandreou mukhel kado po themesko alosaripe si jekh baro politicno kelipe skrin e gazheti ando Shvedo thaj e gazheta Svenska Dagbladet skrij vi ke kado shaja vi te peravel les te na alosarla o grekicko narodo pe kado zutipe so e eurothema kamen te zhutin e grekos.

Leif Pagrotsky shvedicko manush anda Socialdemokraterna thaj so beshel ando riksdagen si jekh informalno zutori khaj o Papandreou, vov phenel ke vov chi djanel sostar vov kado kerel numa ghindoj ke kado shaj te avel jekh buci te lel legitimiteto khatar peske mannush ande kado pushipe.

Shvedicko statministro Fredrik Reinfeldt phendas adjes ke kado si ekcera daravno kana vazdel pe kado pushipe po alosaripe thaj phenel ke chi djanel sar avla te phenla o narodo ande grecia Na khaj kado.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".