Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nationalno

Nevo sikljovibasko plani ano univerzitetia e minoritetienge

Publicime onsdag 2 november 2011 kl 10.36
Nevo shkolako sikljovibasko plani ano univerzitetia
(5:55 min)
Sikavni pe romani chib ando Stokholmo.

Sikljovibe e dijake chibjako pa e nationalne minoritetiengi chib ano but fundone shkole si but harica. Akava kerdja vi te avol e kritika kotar o Concilo e Evropako kaj dolpe but harica chachipe e nationalne minoritetienge chibjake ando Shvedo save si e (finska, meänkieli, samiska, romani thaj jiddish). O maj baro probljemo sas te arkholpe mansuha save ka keren buti e chavorenca ande shkole, sostar ljen chi sas pedagogiako sikljovibe, ja se univerziteti gatisarimo te kerol buti sra sikavno.

Odoljeske kerdjape jekh rodipe te mothovolpe so trubul te dolpe zutipe te shaj avol poshukak, thaj sar shaj te edukinenpe e sikavne te keren buchi e chavorenca ande shkole te sikaven ljen pe dijaki chib. Jekh katar akala rodipe save kerda si e Andrea Amft la si konkretene ideje palo rodipe so kerde sar shaj te dolpe majbut zutipe e edukaciake pe dijaki chib e nationalne minoritetienge ano Shvedo.

Akana rodenpe sikaven save ka djan ano univrezitetia te shaj sikaven e chavoren po shukar ke pe dijaki chib sar exeplo e Finska thaj Samiska kaj paralerno shaj te kerolpe buti, jekh sikavno akana shaj te sikavol e chavoren ane klase ke pe ljengi dijaki chib thaj shvedsko chib. E manusha save kerde rodipe kaj trubul te avol edukacia e siakvnengi te siakene chavoren pire dijaki chib rodlje te dolpe pandj milionia krune ane desh bersh te shaj realizinolpe akia edukacia phenol e Andrea Amft.

Akana vi ulavdjape e rensponsibilita kaj shaj te sikljolpe ano univerzitetia thaj te edukinenpe e sikavne save ka sikaven e chavoren pe dijaki chib. E finsko chib ka ljolj e Uppsala universitet thaj o Stockholms universitet, thaj e javer minoritetienge chibjako rensposibilita ka ljen e Lunds universitet, Södertörns högskola thaj Umeå universitet.

Te shaj keren motivacia e sikavnenge te roden akala kursia ande univerzitetia dolpe proposalia te den ljen stipendia te shaj edukinpe te sikaven e chavoren ande fundone shkole pe dijaki chib. Akia specialno buchi savi kerolpe si kaj e situacia si gade kaj musaj te dolpe zutipe te resa varekaj po puchibe e nationalne minoritetienge pheda o utredaren Andrea Amft.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".