Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Chavorikani konvencia maj pashe khaj zakono

Publicime torsdag 3 november 2011 kl 11.31
Chavorengi konvencia
(9:33 min)
Chavorengi konvencia pe romani chib

Pala jekh kritika so avilas khatar FN barnrättskommité e chavorengi chachimaski komiteta khatar o FN pa kodo ke o shvedo chi inkrel pe pala e chavorengi konvencia das adjes o shvedicko regeriungo pesko dikhipe thaj phenel ke o shvedicko zakono inkrel pe mishto kusa e chachimata so si skirime ande e konvencia.

Kado phenel e ministerka Maria Larsson khas si responsebilita pe chavora ando shvedo.

Jekh anda e kritika so avel khatar o Fn si kodo ke e chavorikani konvencia chi das andre 100 procenti sar zakono ando shvedo feri ke o shvedo bandjarel peske zakonura te annen pe e chavorikani konvencia. E Emma von Corswant juristka pe Unicef reagulij pe kado thaj phenel ke trobuj te shol pe andre e konvencia sa zakono na te lel pe kodo so e themes chialiol thaj te shudel pestar kodo so les chi chaliol.

Emma von Corswant phenel maj dur ke pharimata kerdjion kana kade kerel pe ke alosarel pe uni bucia anda chavorikani konvencia thaj shudel pe e kaver bucia.

Sar exemplo del voj e ternen so peren ando trafficking thaj e plocia lel kadale ternen thaj zutij len numa kana avel e vrama te del pe len paca ando them chi del o shvedo len kodo thaj atunci si von palpale bishade khaj kodol so ande len andre ando them ando trafficking.

Thaj phenel ke te avilov kadal konvenci zakono ando shvedo avilov jekh kaver buci kadale chavorenca. E ministerka Maria Larsson das atveto pe kado thaj phendas ke naj dosta zutipe e chavorenge so roden asylo thaj ke trobusardov te kerel pe variso maj feder ande kodi situatcia.

E ministerka Maria Larsson agorisardas thaj phendas ke kado dikhipe si jekh lashio drom khaj jekh nevo drom ke akanak shaj te djal pe maj dur kadala buciasa te birij pe te nakhavel pe kadal konvenci khaj jekh shvedicko zakono.

But vorbipe sas pa e chavorikani konvencia numa but manush chi djanen pa soste kadi konvencia si thaj ke si kadi konvencia vi boldi pe kaver chiba thaj vi pe romani chib.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".