Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Internationalno

Papandreous mukel pesko tan

Publicime måndag 7 november 2011 kl 11.12
Papandreous mukel pesko tan
(4:00 min)
Premiärminister Giorgos Papandreou, president Karolos Papoulias aj e oppoziciako vizirir o Antonis Samaras. Foto: Kostas Tsironis/Scanpix

Le anglune sweditska kommentarura pa e situacia ande grecia, ke lengo premiärminister o Giorgios Papandeous mukel pesko tan, si aj sas avvaktnade, vaj nas direktni.

De sar sas e kidimata po agor kukole kurkesko, pende sa ske le duj maj bare parji ande grecia si te keren jek regeringo ketane. Aj o adjesutno premiärminister o Papandreous naj te inkrel kadale regeringos, o regeringo kaj site den po agor sar te inkren o räddningspaket, aj kotar sital jek nevo alosaripe, kaj gindon sital pala nevo bersz.

Te mukel o Papandreous pesko tan sas o maj baro krav katar e oppozicia, ot te keren von buci ketane le kavera partiasa kaj si pe kaver righ le blockoski. Maj palal adjess si le finansministrura anda eurothemma te maladjon aj te diken vaj kadi sloutcia si dosta zurali ot te birin te pochinen la greciake le love kaj so trubuj. O Robert Bergqvist kaj si chefsanalytiker anda SEB pennel ando P1 morgon ke kado si jek paso karing jek maj bulho regeringo, aj ke kado si importantno ot tall e situacia maj stabilno.

Importantnoj ot e grecia te sikavel ke maj stabilnoj, na ferik anda peste feri vi anda le kaver euro themma. Te avel ke e grecia tordjol pala kado proposalo kaj si dinno, sar te keren ot te naken kadi kriza sar maj feder. Aj vi ke le kaver euro themma kamen tall kado sa shutino tele po papiroszi zipun von saj pochinna le love. Love kaj la grecia chaches trubun, aj chi ashilas but vrama zipun e grecia tordjola bi lovengo, anda kodo musaji lenge te sikaven ke maj stabilnij pennel o Robert Bergqvist anda SEB ando P1 morgon.

Aj iva dinne o atveto ke sital jek maj bulho regeringo aj ke o regeringo inkerdjola partiendar kaj si pe duj righa le blockonge, chi pachan le sweditska kommentatorura ke saj boldena e situacia pe maj lashi. O Johan Norberg kaj si jek liberalno debbatoro, pendas kade arachi ando programo Agenda anda SVT.

Angla ma sa puznoj abba te paruves a krizaki situacia, vi te kerna kade ke lenna tele lenge ungulimata kaj si dosta bare, avla e situacia sar maj feder, ke pa desz bersz tordjola e grecia pe sakodo tan sar e italia akana. Aj kado si 120 anda BNP. Aj kadi ekonomicno situacia kaj e Italia nakel adjess kerel kadi ke pa changa malavel intregone themmes. Aj kado si sar maj feder, kado si ekonomia ande peski maj chorri rolla pennel o Johan Norberg ando programo Agenda anda SVT.

No o Robert Bergqvist chefsanalytiker anda SEB pennel aj vi pachal ke le finansoviministrura denna o ekonomicno zutipe kaj pende la grecia, kanna von adjess site maladjon.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".