Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Chi shunel pe e nashutne chavoren

Publicime torsdag 10 november 2011 kl 11.22

Maj but anda e nashutne chavora so aven korkori ando shvedo chi len jekh lashi negotiatcia ande nade migratciaki kris - migrationsdomstolen, jekh rodipe so o ekot kerdas sikavel ke feri sako shtarto anda kadal shaj te phenel peski historia ande krisi.

Linus Trogeby si experto pe nashutnenge pushimata thaj vov kerel buci pe e humanitarno organizacia Rädda Barnen vov phenel ke kado trobuj te paruvel pe ke sakones si leski historia thaj anda kodo musaj si a migratciake krisen te shunen kadalen avri.

Vov phenel ke o shvedo si te inkrel pe pala e Chavorengi konvencia thaj kote skrij pe ke si te aven kadal chavora avri shunde. Anda e 520 krisa pa kadal nashutne chavora so sas tela kado bersh sas feri 145 anda lene avri shunde, kodo si feri 28 procenti. Numa vi ande differentne forura si bare differenci ande kado, ke ande migraticako kris ande Göteborg shundzion feri 9 procenti anda kadal nashutne chavora.

Ekot vorbisarde jekha djuvliorasa anda Serbia voj si 16 bershengi thaj voj phenel ke konik chi kamelas te shunel pe late thaj anda kodo chi birijas vov te phenel peski historia. Kadi djuvliori las jekh negativo pe pesko mangipe pe asylo.

O sherutno pe migrationsdomstolen ande Göteborg o Dag Stegeland phenel ke e migratciaki kris trobusardov te keren po dujto laki buci vaj trobusardov te avel la jekh tolmaco khaj birisardov te boldel laki chib ande shvedicko chib.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".