Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Bibuciaripe vazdel pe ando Shvedo

Publicime tisdag 17 april 2012 kl 12.30
Maj but manush bi buciako ando Shvedo

Kana las pe kado shon o april sas karring 396 000 manush bi buciako vaj so sas andre ande differentne buciake programura, kado si 8 000 maj but sar de jekh bersh kodolestar.

Kana dikhel pe procentualno sikadjiol pe kado po 8,5 procenti anda e manush so birin te keren buci ando them. Kana dikhel pe pe kaver righ pe buciake thana sikadjiol pe kote po arbetsförmedlingen ke si karring 70 000 neve bucia so manush shaj te roden. Kote si 4 000 bucia maj cerra bucia sar de jekh bersh kodolestar.

Pe buciaki fronta sikadjiol pe ke ma cerra bucia si pe industriake bucia thaj maj but bucia avile avri pekulturalne thana. Akanak del e Magdalena Andersson anda Socialdemokraterna jkeh propozalo ke trobuj te malavel pe tele o bibucaripe so si adjes pe 25 procenti mashkar e ternimata.

Voj del akanak kritika po regeriungo ke von cirdenas tele atbetsgivaravgiften savorenge khaj si terne buciara ke kado si kuch kana dikhel pe pe intrego buci. Kana sas o rigsdags debatto aratchi vazdelas e oppozicia intrego vrama e buciaki marketa.

E socialdemokraterna mangenas intrego vrama atvetura khatar o regeriungo sar von kerna akanak te malaven tele o bibucaripe. Kana e Magdalena Andersson so si ekonomicno politicno djuvli ande Socialdemokraterna maladjilas kusa o finansministro Anders Borg ande SVT-aktuellt phendas voj kade.

Magdalena Andersson delas kritika ke o bibucaripe vazdas pe thaj ke o regeriungo chi kerel kanchi karring kado. Anders Borg das atveto pe kado thaj phendas ke von keren buci te malaven tele o bibucaripe thaj maj angle kerna von maj but buci te malaven tele o bibucaripe mashkar e terne.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".