Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nationalno

Adjes site vorbij o Breivik

Uppdaterat tisdag 17 april 2012 kl 15.55
Publicerat tisdag 17 april 2012 kl 14.47
Breivik Krisi
(4:39 min)
Den petade nämndemannen Thomas Indrebös, åklagarna och dommarkåren i var sin bild. Behring Breivik läser ur sitt manus. Foto: NRK/Frank Augstein/Scanpix.

Adjes zial maj dur e krisi ando Oslo tingsrätt karing o massmorderca Anders Behring Breivik. Thaj adjes avla pushlo lestar aj avla les thela kadal pansh djes kaj avna possibilita te phenel sostar vov mudardas manushen o 22 juli o paluno bersh. Jek anda kodol kaj sas po than pe Utöya kana kado kerdzilaspe si o Ali Esbati, kaj si aktivno ando Vänsterpartiet thaj si ordförande ando Ung Vänster aj adjes kherel buchi ando Oslo.

Adjes avla vov kohte pe krisi po than, thaj kade phenel peske gindura akanak lav te acharav te kerdzovav nervovo thaj pharesij mange. Angla kodo sas dosta mishto nas man problemura chore sunensa aj kasave djelura. Ferik ke pharesij te shunas pa kodo kaj kerdzilaspe aj sode manush mule aj hasarde peske shavoren.

Kade phenel o Ali Esbati angla e krisi. Kana o Breivik vorbija adjes chi birina e manush te shunen so vov phenel anda kodo ke e krisi las e decisija tena sikaven pe televisia vaj po radio. Von kado kheren ke ndon ke shaj kado dinov effekto pe lesko vittnesmål vaj so vorbij, o kaver gindo zial kaj e njamura e mulenge aj kodol kaj trajisarde. But ziene dharan tena avel jek mediacirkus kana ginavela o Brevik pesko vittnesmål thaj pesko manifesto kaj skirisardas ande temlica. But manush gindon ke avla kodo leske jek plattform te shaj phenel peske högerextrema gindura.

O Ali Esbati phenel ke naj mishto kaj chi sikave so vov phenel pe televisia. Me gindoj ke importantnoj tena avel kado jek cirkus la mediake thaj thena avel o fokus po Breivik sar manush vaj jek chudasho typo. Ferik ke me gindoj ke importantnoj te analyzulis e politicno motivacia kaj si phala kado kriminalno buchi ke kadi si jek politicno kriminalno buchi. Anda kodo skodaj kaj chi sikaven pe televisa so vov phenla, te biris te shunes sar vov gindoj aj soj leske gindura pa luma. Kado si jek gindo kaj but manush acceptulisarde adjes ke si varesosko maripe mashkar e muslimura aj e kaver luma. Anda kodo mishtoj te shaj shunen manush ke kade mezij, phenel o Ali Esbat.

 O Daniel Pohl si chefredaktör ande gazeta Expo kaj dikhen pe högerextrema gruppi. Thaj vov gindoj ke importantnoj te avel avri kodo so phenel o Breivik. me gindoj ke mishtoj ke kadal idéer aven avri, te shaj sichuvav sar te argumentulisaras pe lende. Thaj te sichuvas ke kado si ande luma aj sar te kheras kado hantera. Phenel o Daniel Pohl anda Expo.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".