Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Kritika karring Telia

Nevo kerdo onsdag 18 april 2012 kl 14.26
Publicime onsdag 18 april 2012 kl 10.20
1 av 2
Foto:scanpix Montage:SR
2 av 2
Telia Sonera ande thema

Akanak vazdel pe vi kritika karring Telia Sonera pala kodo ke avilas avri ke von zutin thema so si tela diktatura. Statsministro fredrik Reinfeldt phenel akanak ke lesko ministro Peter Norman si te vorbij kusa Telia Sonera pa manushikane chachimata.

Mats Odell so si sherutno ande Näringsutskottet phenel ke e telekonfirmi musaj te den pe ghindo pe manushikane chachimata thaj na feri pe e themenge zakoni.

Lise Berg generalno sekretari pe shvedicko Amnesty phenel ke ke Telia kerlas chorres ke djanlas so kerel pe thaj vi kade kerlas kodo.

Telia Sonera keren bare love pe peske biznessura khaj keren themenca so sas maj anglal ande Sovjetunionen thaj khaj si adjes diktatura sikavel o programmo Uppdrag granskning ando SVT.

E firma kerdas jekh systemo khaj birin e manush ande e sekuritake thana te dikhen perdal khaj sa o sms, telefonicno trafika thaj informatcia khaj e manush si. Kado si kerdo khatar e firma sar jekh nevipe te birij e firma te lel kontraktura ande kadal thema pe peske bucia.

Kadal neve bucia so e firma del kerdas ke manush anda e oppozitcia sas arakle avri thaj vi astarde

E thema Uzbekistan, Kazakstan, Tadjikistan, Georgia thaj Belarus si thema so si teka jekh auktoritarno vast thaj ande sa kadal thema si Telia Sonera so si inkerdo bute procentonca khatar o Shvedicko them jekh firma so kerel kote buci pa pesko dotterbolag.

 Kadi telefirma si jekh baro kotor ande kadale thema pe lenge lishimaske bucia. Sar exemplo ande Azerbadjan, Belarus thaj Uzbekistan si jekh systemo so bushiol Sorm thaj kado systemo del e ran jekh intrego dikhipe pe telefonicno systemo ande them.

Thomas Jönnson so si sherutno pe externo kommunikatcia pe Telia Sonera phenel ke e firma chi kerel kanchi chorres ke kade si ande sako them ke e sekuritake manush shaj te len kadi informatcia thaj kade si vi ando Shvedo.

E differencia ando shvedo si ke e raj musaj te len jekh shajipe khatar e krisi te birin te keren kado thaj ande kadal thema si vi sobi so si inkerde khatar e sekuritake manush ande e telekom firma.

O Shvedo inkrel 37 procenti ande firma Telia Sonera thaj o ministro Peter Norman chi kamel te del kommentari pe kadal bucia. Jekh kaver firma so inkrel but procenti ande Telia Sonera si e firma Folksam thaj von den kritika pe kado thaj phenen ke kade nashtik te avel.

Telia Sonera phenel ke von naj doshale anda peske bucia thaj phenel ke e buci a kommunikatciasa djal mishto ande kadal thema.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".