Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

"Kamas maj but pocin!"

Publicime tisdag 24 april 2012 kl 10.46
Ulrika Blumfeld phenel ke trobuj te del pe 24 000 koroni pe startosko pocin.

Adjes kidden pe sjuk sköterskor studentura - e studenstura so kamen te ashion medecinake phenja khetanes krujal ando intrego shvedo te keren jekh manifestatcia ke von kamen te vazden opre o ingångslön e startosko pocin pe 24 000 koroni.
Kadi manifestatcia vazdas pe anglunes khaj e studentura ando Umeå numa pala kodo naklas pa intrego shvedo thaj akanak kerel pe kado krujal ando them.

Thaj akanak phenen but bolnici krujal ando shvedo ke lenge si phares akanak te arakhen medecinake phenjan e sjuksköterskor pe e milajeske vikaratura. Ulrika Blumsfeldt so si e manushni so vorbij anda kadal studentura phenel ke pala lengi manifestatcia line aba karring 50 manush ando stockholm 24 000 koroni ando startosko pocin, numa ande kaver thana sar ando Umeå thaj ande teluno shvedo chi djal kadi buci sa kade mishto.

Numa kado ke e studentura mangen 24 000 koroni naj kade lettko e bolnicenge ke naj len dosta budjeto e medecinske phenja startosko pocin po 21 1000 ande östergötlands landsting phenel o Mats Udin so si sherutno pe buciara po Landstinget Östergötland.

Mats Udin phenel inke pasha kado ke te avilov neve buciara thaj te len von maj but love sar e kaver so koteaba kerde buci but vrama kerdov te avel jekh chuddno situatcia pe kodo than. E Ulrika Blumfeldt del atveto pe kado thaj phenel ke shaj te avel kade numa te si kade trobusradov von te mukhen pengi buci thaj te arakhen jekh kaver buci khaj acharen pe maj feder.

Kado ke e studentura mangen kade uce love naj realisticno phenel o Mats Udin ke te djana e love ande kodi righ pe pocinimata musaja e bolnica te cirdel love kaver thanendar thaj kodo chi djal thaj anda kodo inkrena von pe maj dur sar khaj sas ke von dena e neve buciaren e startosko pocin pe 21 - 22 000.

E Ulrika Blumfeldt phenel po agor ke e bolnici trobuj te planulin maj feder maj angle te den e medecinake phenjan jekh maj lasho startosko pocin ke von si sitjarde ande skoli te zutin e manushen thaj anda kodo trobuj len vi jekh pocin so sikavel ke von keren lashi buci.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".