Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
nationalno

Majbut terne pien e droga Cannabis

Publicerat tisdag 24 april 2012 kl 15.08
Cannabis
(3:10 min)
Foto: AP Photo/Peter Dejong/Scanpix

Tala e ultimo bersha sas jek dramatichno vasdipe pe e terne kaj pien en droga cannabis ando Stcokholmo. Palal pala kado vasdinipe si ke e terne si le jek maj puterdi dikipe pe kado te pien e droga cannabis aj kado si jek surales paro nevi dikipe penel o Stefan Sparring kaj si cherutno doktoro kaj si kopplime karing o Maria Ungdom.

So si jek spita ternenge so si le problemi karing drogi aj alkoholo. Vo vi kado penel ke tala e ultimo 3-4 bersha sas kado suralo vasdinipe pe terne so lape te pien o droga.

Kado si paste shtar dati maj baro problemo so sas de 3-4 bersh parpale.

Kado so penel o Stefan Sparring penel vi e politzia aj o socialtjänsten.

O kaver kurko so sas kerda e politzia jek baro razzia karing o schkola Åsö Gymnasium aj kotche sas karing e 10 terne line andri pe avri puchimata katar e politzia.

Maj anglal andi vrama sas e terne kaj pienas drogi pe jek rik aj e terne kaj pienas alkoholo pe jek rik, adjes bavimpe kadala duj gruppi andek tan aj kado si jek anda e gora sostar si kadja vasdinio e drogaki problema tala e ultimo bersha.

Akana trubulas maj but informatzia andi schkoli aj maj baro jutipe katar e njamoria penel o Sparring kaj vi kado penel ke e politzia aj o tullo chi birin te lasharen kado problemo korkoro.

Adjes chi maj smuggloin kadja but adjes vi barjaren e droga cannabis korkoro andi kera ando Svedo, aj maj truno si e politziake te len kadala manuchen so barjaren e droga korkoro kere.

Vo vi penel ke trubul chaches e maj pure te aven machkar e terne te araken katar avel e drogi te shaj getol kadala problemi.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".