Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Maj but buci mashkar Shvedo - Saudi arabia

Publicime onsdag 25 april 2012 kl 10.30
Shvedo - Saudi Arabia keren buci khetanes

Adjes vazdas e gazheta Svenska dagbladet opre jekh nevipe ke o Shvedo zutijas e Saudiarabia te keraven bergrum - plajake sobi khaj shaj te e garavel pe ulej, benzina, dislo thaj kaver raffinovane produktura.

Shvedo si jekh them khaj djanel pe mishto ande teknika sar te kerel pe kasave lagera ande plaja khaj garavel pe kadal bucia. Svenska Dagbladet skrij ke o shvedo zutisardas te keraven 5 kasave plajake thana ande Saudiarabia zutimasa khatar e Fortifikationsverket. Kado sas kerdo mashkar e bersh 1987 zhi khaj o bersh 2009.

Kote skrij pe maj dur ke kado mezijas officialno sar thana khaj garavel pe kadal raffinovane produktura ulej numa ke kado shajas vi te aven thana khaj garavel pe kaver marimaske bucia pe marimaske vrami. But anda kadal rapportura sas garadune so o regeriungo dikhelas thaj e regeriungora thaj sas anda sel duj blockura tela kadal bersh.

Karl-Erik Hammarström so si fastighetsråd pe Fortifikationsverket thaj so sas maj anglal sherutno pe kadi projekta khaj bushiolas Swedef, vov phenel ke kadi buci so von kernas nas garudini sar savorri kamen te phenen thaj so o them korkori mangel te kerel kodole thanenca ande plaja shaj te avel garudino numa na e projekta thaj e buci so von kernas. Numa kado so o Karl-Erik Hammarström phenel si feri dopash anda o chachipe, ke von phende khaj o regeriungo so von kernas numa kado sas garadino kavere manushenge ke chi birijas pe te arakhel pe kanchi pe kado kana rodelas pe, phenel o reporteri anda Svenska Dagbladet o Tobias Olsson.

Tobias Olsson phenel maj dur ke e Saudiarabia kerdas kadi buci e shvedosa anda kodo ke o shvedo si proffesionalno ande peski buci thaj kana kerel pe buci jekhe themesa naj sa kechi problemura kana kerel pe buci jekha firmasa. Olof Palme sas kodo so skirisardas o angluno lil ando bersh 1984 thaj pala kado djalas kadi buci maj dur thaj naklas tela 6 kaver regeriungoura.

Kado si chuddno ke but regeriungura mukle kado tela peske vast thaj ke kadi buci djalas kade but vrama kusa e Saudiarabia thaj trobuj te vazdel pe kritika pe kado ke but manush chi djanen pa kado ando riksdagen, phenel o sherutno anda Vänsterpartiet o Jonas Sjöstedt.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".