Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
nationalno

Terroristicni krisi chi avna adjess

Nevo kerdo måndag 30 april 2012 kl 15.01
Publicime måndag 30 april 2012 kl 10.24
Terrorkrisi
(3:57 min)
Vakto lel sama angla vudar kaj del drom kaj le krisi ando Glascow. Foto: Jens Dresling/Scanpix.

 Adjess sas te aven le krisi pa o terroristicno attentato ando stockholmo, aj kaj nas dosta bevis po tan ande krisi, musajas te shuden e krisi pe vrama maj angle.

Sar si akana mezijpe ke detradzune sitan e krisi.

Ando Glasgow ando Scottland inkrena krisi karing kodo manusz kaj pennen ke saj zutisardas le terroristas kaj pharadaspe ando stockholmo ando 2010, aj gindon ke saj zutisrdas les lovenca, te saj finansulij peske bucia. Kadi krisi si e agnluni kaj vazdel opre kado temato. Aj e Agneta Hilding Qwarnström kaj si chefsåklagare, kaj maj dur inkrel o rodipe pa kado, dikel akana so zal avri pe kadal krisi

No o rodipe pa kado zal maj dor, si uni bajura kaj si te keras, no ferik ke but anda kodo si panglo so avla avri kadala krisatar pennel e Agneta Hilding Qwarnström. Kaj sas intervjuad ando Ekot.

Kodo kaj tordjol angla krisi adjess, aj kaj pinzardoj bute anavendar, aj kaj leske dani naj zangle, no vov si andre panglo andek komplott kaj so das o resultato kaj kerdzilas o chorripe pe drottningatan ando Stockholmo, pennel o prokuroro.

E krisi pennen ke kado manusz butivar vorbisardasas kaj o Taimour Abdulwahab kodo djess kanna o chorripe kerdas. Aj kanna le polici sas te huchilen les, zumavelas vov te garuvel evidensura kaj so saj panden les le Abdulwahabosa. O prokuroro vi pennel ke kado manusz shutas 60 000 kr pe le abdulwahabosko konto.

No sar importantnoj vaj sar bari rolla sas kadale manuszes ando attentato kaj kerdzilas ando stockholmo o 11 december ando 2010 bersz pharesi te pennel pennel o Magnus Ransstorp, kaj si terror expert anda Försvarshögskolan.

Chi biris te pennes dokladnie akana, saj pennes ke varesosko panglipe sas le ke o Taimour ciak vorbisardas leste vorta so pharadaspe. Aj opruch kado si vov vi importantno ke so ame zanas nas le taimouros varesoski stalo buci, kade ke vov trajijas pe kadale manuszeske love. Pendas o Magnus Ranstorp ando P1 Morgon.

Kothe ando Scottland po tan si le personalo anda sveditska säkerhetspolici, kaj site den peski testomonia la krisake, e krisi kaj site inkren karing le 12 kurke, aj si karing le 250 vittnen kaj site pennen so von zanen.

Zurales chudaso avilo te si kade ke o Taimour ekzeno kerdas kado, ke paschi mindik kanna dekas perdal kasave situacie si maj but manusz andre pangle, pennel o Magnus Norell kaj si forskare po terrorismo anda utrikespolitiska institutet.

Aj iva kade pennen inkrel maj dur e Agneta Hilding Qwarnström kaj si e chefsåklagare, kodo so voj pendas maj anglal ke o Taimour Abdulwahab, ekzeno planulisardas aj ekzeno kerdas o chorripe.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".